ភ្នំពេញ ៖ បុរសម្នាក់បានរងរបួសបាក់ជើងម្ខាងដោយកៀបជាប់ក្នុងកាប៊ីនឡានរបស់ខ្លួនបន្ទាប់ពីត្រូវរថយន្ដមួយគ្រឿងទៀត ដែលបើកបរបញ្ច្រាសទិសគ្នាគេចមកបុកគូទរថយន្តហ៊ីណូបណ្តាលឲ្យកៀបជាប់តៃកុងក្នុងកាប៊ីនរងរបួសធ្ងន់បាក់ជើងម្ខាង កាលពីវេលាម៉ោង១រសៀលថ្ងៃទី៤ ខែតុលា ឆ្នាំ២០១៨ នៅចំណុចមុខក្រុមហ៊ុមលក់អេស្កាវទ័រ តាមបណ្តោយផ្លូវទំនប់កប់ស្រូវ សង្កាត់ត្រពាំងក្រសាំង ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តចំនួន២គ្រឿងបើកបរស្របទិសគ្នាដោយមួយគ្រឿងម៉ាកហ៊ីណូ ពណ៌ខៀវ ពាក់ស្លាកលេខភ្នំពេញ3A -3954 បើមកខាងមុខក្នុងទិសដៅពីជើងទៅត្បូងចំណែករថយន្តមួយគ្រឿងទៀតម៉ាកហ៊ីយ៉ាន់ដាយពណ៌ទឹកប្រាក់ គ្មានស្លាកលេខ បើកបរក្នុងល្បឿនលឿនមកពីក្រោយ ហើយព្យាយាមវ៉ាជែករថយន្តខាងមុខតែមិនទាន់ផុតផងស្រាប់តែរថយន្តមួយគ្រឿងទៀតដែលបើកបញ្ច្រាសទិសក៏គេចមកបុកគូទរថយន្តហ៊ីណូបណ្តាលឲ្យគាបជាប់តៃកុងរថយន្តហ៊ីយ៉ាន់ដាយគាបជាប់ ក្នុងការប៊ីនរងរបួសបាក់ជើងម្ខាង។
ភ្លាមនោះត្រូវបានប្រជាពលរដ្ឋដែលនៅក្បែររួមទាំងអ្នកដំណើរជួយគាស់យកចេញមកក្រៅបញ្ជូនទៅសង្គ្រោះនៅមន្ទីរពេទ្យភ្លាមៗ។ ក្រោយពេលកើតហេតុសមត្ថកិច្ចមូលដ្ឋានបានចុះទៅធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យរង់ចាំដោះស្រាយតាមច្បាប់៕
Source: Kampuchea Thmey Daily
0 Comments