ប្រទេសកាណាដា កាលពីថ្ងៃពុធ បានក្លាយជាប្រទេសសេដ្ឋកិច្ចធំដំបូងគេនៅលើពិភពលោកក្នុងការធ្វើឲ្យកញ្ឆាក្លាយជាការស្របច្បាប់ដែលជាហេតុបង្កឲ្យមានការអបអរសាទរ ខណៈដែលប្រទេសនេះបានចាប់ផ្តើមធ្វើការពិសោធន៍ដ៏ចម្រូងចម្រាសលើគោលនយោបាយថ្នាំញៀន។
នៅទូទាំងប្រទេស មនុស្សបានឈរតម្រង់ជួររង់ចាំទិញកញ្ឆានៅខាងក្រៅហាងលក់ហើយគេហទំព័ររដ្ឋាភិបាលបានទទួលការកុម្ម៉ង់ទិញ១០០ផើងក្នុងមួយនាទី។
អតិថិជនជាច្រើននាក់បានតស៊ូនឹងភាពត្រជាក់រយៈពេលច្រើនម៉ោងនៅខាងក្រៅហាងទំនិញ Tweed ក្នុងទីក្រុង St John's នៃខេត្ត Newfoundland ដែលបើកលក់នៅពាក់កណ្ដាលយប់ដើម្បីទិញកញ្ឆាដោយស្របច្បាប់ជាលើកដំបូង។
ការធ្វើឲ្យស្របច្បាប់នេះបាននាំឲ្យភាគហ៊ុននៅក្នុងក្រុមហ៊ុនផើងមានការកើនឡើងលើសឆ្នាំមុននៅផ្សារភាគហ៊ុនក្រុងតូរ៉ុនតូនិងញូវយ៉កប៉ុន្តែក៏ត្រូវបានសាកសួរយ៉ាងខ្លាំងផងដែរពីសំណាក់អ្នកជំនាញផ្នែកសុខភាពមួយចំនួននិងអ្នកនយោបាយគណបក្សប្រឆាំង។
ទោះបីជាយ៉ាងណាក៏ដោយ លោកនាយករដ្ឋមន្ត្រី Justin Trudeau បាននិយាយការពារសិទ្ធិស្របច្បាប់នេះថាមានបំណងដើម្បីការពារមនុស្សវ័យក្មេងនិងបិទឈ្មួញថ្នាំញៀន។
នៅក្នុងរដ្ឋសភា លោកក៏បានបង្ហាញការសោកស្តាយផងដែរថា ការហាមឃាត់គឺមានផលប៉ះពាល់មិនសមាមាត្រនិងអយុត្តិធម៌លើសហគមន៍ដែលងាយរងគ្រោះនិងពូជសាសន៍។
ការចូលជាធរមាននៃច្បាប់កញ្ឆានេះបានធ្វើឲ្យកាណាដាក្លាយជាប្រទេសទី២បន្ទាប់ពីអ៊ុយរ៉ាហ្គាយដែលធ្វើឲ្យថ្នាំញៀនក្លាយទៅជាការស្របច្បាប់។
ដំណើរការរបស់វាអាចមានឥទ្ធិពលលើការបោះឆ្នោតលើកក្រោយរបស់ប្រទេសកាណាដានៅឆ្នាំ២០១៩និងថាតើប្រទេសដទៃទៀតនឹងដើរតាមគន្លងរបស់វាឬក៏អត់។
នៅសហរដ្ឋអាមេរិក ការជក់កញ្ឆាកម្សាន្តអារម្មណ៍គឺមានភាពស្របច្បាប់នៅក្នុងរដ្ឋចំនួន៨ខណៈប្រទេសមួយចំនួនដូចជាហូឡង់និងអេស្ប៉ាញបានចាត់ទុកការកាន់កាប់ផើងកញ្ឆាថាជាការខុសច្បាប់៕ AFP
Source: Kampuchea Thmey Daily
0 Comments