ប្រព័ន្ធផ្សព្វផ្សាយរដ្ឋចិនបានរិះគន់យ៉ាងខ្លាំងដល់រដ្ឋមន្ត្រីក្រសួងការបរទេសអាមេរិកលោក Mike Pompeo នៅថ្ងៃចន្ទ បន្ទាប់ពីលោកបានធ្វើការអត្ថាធិប្បាយនៅតំបន់អាមេរិកឡាទីន ដែលលោកបានព្រមានអំពីហានិភ័យលាក់បាំងនៃការស្វែងរកការវិនិយោគរបស់ចិនចំពេលមានការប្រយុទ្ធគ្នាកាន់តែខ្លាំងឡើងអំពីឥទ្ធិពលនៅក្នុងតំបន់នេះ។
លោក Pompeo បានស្ថិតក្នុងដំណើរទស្សនកិច្ចនៅតំបន់អាមេរិកឡាទីនកាលពីចុងសប្តាហ៍ដោយលោកបានជួបជាមួយប្រមុខរដ្ឋនៅប្រទេសប៉ាណាម៉ានិងម៉ិកស៊ិក។ លោក Pompeo បានប្រាប់ក្រុមអ្នកយកព័ត៌មានក្នុងអំឡុងដំណើរទស្សនកិច្ចនេះថា “នៅពេលប្រទេសចិនមកហៅ វាមិនមែនជារឿងល្អដល់ប្រជាពលរដ្ឋរបស់អ្នកទេ”។
លោកបាននិយាយកាលពីថ្ងៃព្រហស្បតិ៍មុននៅទីក្រុង Mexico City ថា “នៅពេលដែលពួកគេបង្ហាញខ្លួនជាមួយកិច្ចព្រមព្រៀងដែលហាក់ដូចជាល្អនោះ ជាការពិតវាជាករណីដែលពួកគេពិតជាមាន”។
នៅក្នុងអត្ថបទវិចារណកថាមួយនៅថ្ងៃចន្ទ សារព័ត៌មានចិន China Daily បានចុះផ្សាយថា ការអត្ថាធិប្បាយរបស់លោក Pompeo គឺ “ល្ងង់ខ្លៅនិងព្យាបាទ” និងថា ការរិះគន់ដែលថាមហិច្ឆិតាលើគំនិតផ្ដួចផ្ដើមហេដ្ឋារចនាសម្ព័ន្ធខ្សែក្រវ៉ាត់និងផ្លូវរបស់ខ្លួនកំពុងបង្កើតអន្ទាក់បំណុលនៅក្នុងប្រទេសដទៃទៀតនោះគឺជាការខុសឆ្គង់។
ប្រទេសចិនកំពុងបង្កើនឥទ្ធិពលនៅក្នុងតំបន់អាមេរិកឡាទីនដែលសម្បូរទៅដោយធនធានដែលជាហេតុបង្កើនការព្រួយបារម្ភដល់ទីក្រុងវ៉ាស៊ីនតោនថា មហាអំណាចសេដ្ឋកិច្ចលំដាប់ទី២របស់ពិភពលោកមួយនេះកំពុងចាប់យកឥទ្ធិពលនៅក្នុងតំបន់នេះចំពេលមានសង្គ្រាមពាណិជ្ជកម្មដ៏តានតឹងរវាងប្រទេសទាំងពីរ។
លោកប្រធានាធិបតីចិន Xi Jinping បានជំរុញផែនការនេះដើម្បីពង្រីកច្រករបៀងពាណិជ្ជកម្មស្របជាមួយគម្រោង “ផ្លូវសូត្រ” សម័យទំនើបដែលតភ្ជាប់អាស៊ី អឺរ៉ុបនិងអាហ្វ្រិកដោយបញ្ចូនឥណទានទៅជាការស្ថាបនាផ្លូវថ្នល់ ផ្លូវដែកនិងកំពង់ផែក្នុងគម្រោងផ្ដួចផ្ដើមហេដ្ឋារចនាសម្ព័ន្ធទឹកប្រាក់មួយពាន់ពាន់លានដុល្លារ។
លោក Pompeo បាននិយាយថា សហរដ្ឋអាមេរិកស្វាគមន៍ការប្រកួតប្រជែងពីប្រទេសចិនប៉ុន្តែបានរិះគន់អំពីកង្វះតម្លាភាពនៅក្នុងសហគ្រាសដែលគ្រប់គ្រងដោយរដ្ឋ។
នៅក្នុងសេចក្តីអធិប្បាយដែលបានធ្វើឡើងក្នុងប្រទេសប៉ាណាម៉ា លោកបាននិយាយថា បណ្តាប្រទេសនានាគួរតែ “បើកភ្នែកឲ្យធំៗ” នៅពេលខ្លួនទទួលការវិនិយោគរបស់ចិន៕ REUTERS
Source: Kampuchea Thmey Daily
0 Comments