រតនគិរី ៖ ស្ត្រីម្នាក់ បានសម្រេចចិត្តលេបថ្នាំពន្យារកំណើតចំនួន២៨គ្រាប់ ដើម្បីប៉ុនប៉ងសម្លាប់ខ្លួន តែជីវិតមិនអស់ ត្រូវបានក្រុមគ្រួសារយកទៅសង្គ្រោះបន្ទាន់នៅមណ្ឌលសុខភាព ផុតពីគ្រោះថ្នាក់។
ករណីប៉ុនប៉ងលេបថ្នាំសម្លាប់ខ្លួនខាងលើនេះ កើតឡើងកាលពីវេលាម៉ោង០៧និង៤៥នាទីយប់ ថ្ងៃទី១៥ ខែវិច្ឆិកា ឆ្នាំ២០១៨ ស្ថិតនៅក្នុងភូមិចង ឃុំញ៉ាង ស្រុកអណ្ដូងមាស ខេត្តរតនគិរី។
អធិការដ្ឋាននគរបាលស្រុកអណ្ដូងមាសបានឲ្យដឹងថា ស្ត្រីដែលសម្រេចចិត្តលេបថ្នាំពន្យារកំណើតចំនួន២៨គ្រាប់ ដើម្បីប៉ុនប៉ងសម្លាប់ខ្លួន ឈ្មោះ ក្លាន ភៀន អាយុ៣៦ឆ្នាំ ជនជាតិច្រាយ មុខរបរកសិករ។
បច្ចុប្បន្ន ស្ត្រីរងរងគ្រោះ កំពុងសម្រាកព្យាបាលនៅមណ្ឌលសុខភាពស្រុកអណ្តូងមាស ដោយពេលនេះមានអាការៈធូរស្រាលប្រសើរឡើងវិញហើយ៕
Source: Kampuchea Thmey Daily
0 Comments