រយៈពេល​១០​ខែ​ សមត្ថកិច្ច​ចម្រុះ​បង្ក្រាប​បទល្មើស​គ្រឿងញៀន​ជាង​៦​ពាន់​ករណី​ឃាត់​មនុស្ស​ជាង​១​ម៉ឺន​នាក់

ភ្នំពេញ ៖ យោង​តាម​របាយការណ៍​របស់​គណៈកម្មការ​ទី​៣ នៃ​យុទ្ធនា​ការ​ប្រឆាំង​គ្រឿងញៀន​លើក​ទី ៣ ដែល​ទទួល​បាន​ឲ្យ​ដឹង​ថា លទ្ធផល​អនុវត្តន៍​ច្បាប់​រយៈពេល ១០ ខែ ឆ្នាំ​២០១៨ សរុប 6599​ករណី ឃាត់​ជនសង្ស័យ 13265​នាក់ ក្នុង​នោះ ស្រី 1112​នាក់ ( ជនបរទេស 242​នាក់ ស្រី 42​នាក់ មាន 18​សញ្ជាតិ ) ជួញដូរ រក្សាទុក កែច្នៃ ចាត់ចែង​ដាំ​ដុះ 4203​ករណី ឃាត់​មនុស្ស 7532​នាក់ (​ស្រី 785​នាក់​) និង​ប្រាស់ 2396​ករណី ឃាត់ 5733​នាក់ (​ស្រី 327​នាក់​) ។ អនុវត្ដ​ដីកា 199​ដីកា ឃាត់​ជនសង្ស័យ 192​នាក់ (​ស្រី 8​នាក់​) សារធាតុ​ញៀន​គ្រប់​ប្រភេទ 519kg 378,73g កញ្ឆា​ក្រៀម 49kg 988g និង 156382​ដើម។ សម្ភារៈ​ចាប់យក រួមមាន រថយន្ដ 79​គ្រឿង ម៉ូតូ 1862​គ្រឿង ទូរស័ព្ទ 4989​គ្រឿង ជញ្ជីង 328​គ្រឿង អាវុធខ្លី 25​ដើម និង អាវុធ​វែង 13​ដើម។

លទ្ធផល​អនុវត្តន៍​ច្បាប់​ប្រចាំឆមាស​ទី​១ សរុប 3838​ករណី ឃាត់​មនុស្ស 7580​នាក់ ស្រី 672​នាក់ (​ជនបរទេស 135​នាក់ ស្រី 29​នាក់ មាន 14​សញ្ជាតិ​) ជួញដូរ រក្សាទុក កែច្នៃ ចាត់ចែង ដាំ​ដុះ 2490​ករណី ឃាត់ 4418​នាក់ (​ស្រី 473​នាក់​) និង​ប្រើប្រាស់ 1348​ករណី ឃាត់ 3162​នាក់ (​ស្រី 199​នាក់​) ។ អនុវត្ដ​ដីកា​៖ 129​ដីកា ឃាត់ 125​នាក់ (​ស្រី 6​នាក់​) សារធាតុ​ញៀន​គ្រប់​ប្រភេទ 119Kg 349,66g កញ្ឆា​ក្រៀម 25kg 664g និង 125343​ដើម។ សម្ភារៈ​ចាប់យក រួមមាន រថយន្ដ 45​គ្រឿង ម៉ូតូ 1051​គ្រឿង ទូរស័ព្ទ 2821​គ្រឿង ជញ្ជីង 108​គ្រឿង អាវុធខ្លី 14​ដើម និង អាវុធ​វែង 10​ដើម។

ដោយឡែក បើ​យោង​តាម​របាយការណ៍រ​បស់​គណៈកម្មការ​ទី​៣ នៃ​យុទ្ធនា​ការប្រឆាំង​គ្រឿងញៀន​លើក​ទី ៣ ប្រាប់​បញ្ជាក់​ឲ្យ​ដឹងថា លទ្ធផល​អនុវត្តន៍​ច្បាប់​ចាប់ពី​ថ្ងៃទី​១ ខែមករា ដល់​ថ្ងៃទី​៤ ខែវិច្ឆិកា ឆ្នាំ​២០១៨ សរុប 6684​ករណី ឃាត់​មនុស្ស 13447​នាក់ ស្រី 1123​នាក់ (​ជនបរទេស 242​នាក់ ស្រី 42​នាក់ មាន 18​សញ្ជាតិ​) ជួញដូរ រក្សាទុក កែច្នៃ ចាត់ចែង​ដាំ​ដុះ 4254​ករណី ឃាត់ 7643​នាក់ (​ស្រី 794​នាក់​) និង​ប្រើប្រាស់ 2430​ករណី ឃាត់ 5804​នាក់ (​ស្រី 329​នាក់​) ។ អនុវត្ដ​ដីកា 200​ដីកា ឃាត់ 193​នាក់ (​ស្រី 8​នាក់​) សារធាតុ​ញៀន​គ្រប់​ប្រភេទ 519kg 720,37g និង 120​កញ្ចប់ កញ្ឆា​ក្រៀម 49kg 988g និង 156382​ដើម ។ សម្ភារៈ​ចាប់​យក រួមមាន រថយន្ដ 79​គ្រឿង ម៉ូតូ 1862​គ្រឿង ទូរស័ព្ទ 4989​គ្រឿង ជញ្ជីង 328​គ្រឿង អាវុធខ្លី 25​ដើម និង អាវុធ​វែង 13​ដើម៕

Source: Kampuchea Thmey Daily