រតនគិរី ៖ បុរសម្នាក់ កើតជំងឺវិកលចរិត បានធ្វើអត្តឃាតខ្លួនឯង ដោយចង.កនឹងខ្សែអង្រឹងនៅលើដើមឈើ កាលពីវេលាម៉ោង១០និង៣០នាទីព្រឹក ថ្ងៃអង្គារ ១៣រោច ខែអស្សុជ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៦ ខែវិច្ឆិកា ឆ្នាំ២០១៨ ស្ថិតនៅភូមិកាជូ ឃុំញ៉ាង ស្រុកអណ្ដូងមាស។
មន្ត្រីនគរបាលស្រុកអណ្ដូងមាសបានឲ្យដឹងថា ជនរងគ្រោះ ឈ្មោះ ក្លាន ឡត់ ភេទប្រុស អាយុ៣៣ឆ្នាំ ជាជនជាតិច្រាយ មានទីលំនៅបច្ចុប្បន្នភូមិ-ឃុំកើតហេតុខាងលើ។
មុនពេលកើតហេតុ គេបានឃើញជនរងគ្រោះចេះតែចង់រត់ចូលព្រៃ ក្រោយមកប្រជាពលរដ្ឋ បានប្រទះឃើញសាកសពនៅក្រោយផ្ទះប្រហែលជា៦០ម៉ែត្រតែម្តង។
ករណីនេះ បើតាមការបំភ្លឺពីបងប្អូនអ្នកជិតខាងថា ដោយសារជនរងគ្រោះ ឈ្មោះ ក្លាន ឡត់ បានកើតរោគវិកលចរិត។
បច្ចុប្បន្ន សាកសព សមត្ថកិច្ចបានប្រគល់ជូនក្រុមគ្រួសារ ដើម្បីយកទៅចាត់ចែងធ្វើបុណ្យតាមប្រពៃណីរួចរាល់ហើយ៕
Source: Kampuchea Thmey Daily
0 Comments