ភ្នំពេញ ៖ កម្លាំងប៉ុស្តិ៍នគរបាលរដ្ឋបាលគោករកា បានឃាត់ខ្លួនជនល្មោភកាមម្នាក់ ពីបទរំលោភសេពសន្ថវៈ មានស្ថានទម្ងន់ទោសទាក់ទងនឹងជនរងគ្រោះ(អនីតិជនអាយុ០៤ឆ្នាំ) កាលពីវេលាម៉ោង១៧និង៣០នាទី នាថ្ងៃទី០៥ ខែវិច្ឆិកា ឆ្នាំ២០១៨ ចំណុចផ្ទះគ្មានលេខ ផ្លូវលំ ភូមិត្រពាំងសំព័រ សង្កាត់គោករកា ខណ្ឌព្រែកព្នៅ រាជធានីភ្នំពេញ។
ជនសង្ស័យល្មោភកាមនេះ ឈ្មោះ ស្រ៊ុន ភាព ភេទប្រុស អាយុ៣៣ឆ្នាំ ជនជាតិខ្មែរ មុខរបរលក់ដូរ មានទីលំនៅផ្ទះជួលគ្មានលេខ ផ្លូវលំ ភូមិគោករកា សង្កាត់គោករកា ខណ្ឌព្រែកព្នៅ រាជធានីភ្នំពេញ ចំណែកជនរងគ្រោះឈ្មោះ ភ ស ន ភេទស្រី អាយុ៤ឆ្នាំ ជនជាតិខ្មែរ មុខរបរកុមារ មានទីលំនៅ ផ្ទះគ្មានលេខ ក្នុងសង្កាត់គោករកា ខណ្ឌព្រែកព្នៅ រាជធានីភ្នំពេញ ស្លាកស្នាមបន្សល់ទុកគ្មាន។
សមត្ថកិច្ចបានឲ្យដឹងថា នៅមុនពេលកើតហេតុ វេលាម៉ោងប្រហែល០៧និង៣០នាទី ឈ្មោះ អៀម សាវឿន ដែលត្រូវជាជីដូនរបស់ជនរងគ្រោះបានចេញពីចំណុចកើតហេតុខាងលើ គោលបំណងទៅវត្តឈូកវ៉ា លុះពេលត្រឡប់វិញឃើញជនរងគ្រោះយំ ក៏សួរថាមានរឿងអីបានជាយំ ភ្លាមនោះជនរងគ្រោះបានឆ្លើយថា ជនសង្ស័យឈ្មោះ ស្រ៊ុន ភាព ដែលត្រូវជាឪពុកបង្កើតបានយកម្រាមដៃ និងប្រដាប់ភេទរបស់គាត់រុកចូលប្រដាប់ភេទរបស់ខ្ញុំ បន្ទាប់មក ឈ្មោះ អៀម សាវឿន ដែលត្រូវជាជីដូនក៏បានមើលប្រដាប់ភេទរបស់ជនរងគ្រោះឃើញមានឈាម រួហើយរូបគេក៏មិនបានមកដាក់ពាក្យបណ្ដឹង នៅប៉ុស្តិ៍រដ្ឋបាលភ្លាមៗនោះទេ។
លុះមកដល់ថ្ងៃទី០៥ ខែវិច្ឆិកា ឆ្នាំ២០១៨ វេលាម៉ោង១៧និង៣០នាទី ឈ្មោះអៀម សាវឿន ដែលត្រូវជាជីដូនរបស់ជនរងគ្រោះបានឃាត់ខ្លួនជនល្មើសប្រគល់ឲ្យសមត្ថកិច្ចប៉ុស្តិ៍គោករកាតែម្ដង។
យោងតាមពាក្យបណ្ដឹងរបស់ឈ្មោះ អៀម សាវឿន ដែលត្រូវជាជីដូនបង្កើតរបស់ជនរងគ្រោះ និងចម្លើយសារភាពរបស់ជនល្មើសថាខ្លួនពិតជាបានប្រព្រឹត្តអំពើរំលោភសេពសន្ថវៈទៅលើជនរងគ្រោះពិតប្រាកដមែននោះ។ បច្ចុប្បន្នជនសង្ស័យឃាត់ខ្លួននៅអធិការដ្ឋានខណ្ឌ ដើម្បីកសាងសំណំរឿងបញ្ជូនទៅតុលាការទៅតាមផ្លូវច្បាប់៕
Source: Kampuchea Thmey Daily
0 Comments