ក្រុម​ក្រសួងការពារជាតិ ឈ្នះ​ពាន​នៅ​ប្រទេស​ចិន ក្រោយ​យកឈ្នះ​លើ​ក្រុម​មកពី​ប្រទេស​វៀតណាម

ក្រុមបាល់ទាត់​ម្ចាស់​ជើងឯក​ពានរង្វាន់​សម្តេច​តេ​ជោ ហ៊ុន សែន រដូវ​កាល​ឆ្នាំ ២០១៨ គឺ​ក្រុម​ក្រសួងការពារជាតិ (​ទ័ព​) បាន​ក្លាយជា​ម្ចាស់​ជើងឯក​ក្នុង​ពានរង្វាន់​អន្តរជាតិ 2018 China-ASEAN Cities Football Tournament នៅ​ខេត្ត Nanning ប្រទេស​ចិន ក្រោយ​បាន​យកឈ្នះ​ក្រុម​តំណាង​មកពី​ប្រទេស​វៀតណាម កាលពី​ចុង​សប្ដាហ៍​ថ្មីៗ​នេះ​។



ពានរង្វាន់ 2018 China-ASEAN Cities Football Tournament មាន​ក្រុម​ចំនួន​៤​ចូលរួម​ដោយ​ក្នុងនោះ​មាន​ក្រុម​២​មកពី​ថៃ​គឺ Police Tero Sasana និង​ក្រុម​សាកលវិទ្យាល័យ​BTU FC បូករួម​ទាំង​ក្លិប Than Quang Ninh របស់​វៀតណាម​និង​ក្រុម​ក្រសួងការពារជាតិ របស់​កម្ពុជា​។ ការប្រកួត​ធ្វើឡើង​ពីថ្ងៃ​ទី​១៤ ដល់​១៧ ខែវិច្ឆិកា ឆ្នាំ​២០១៨​។ មុន​ទទួល​បាន​ជើងឯក​ក្រុម​ក្រសួង​ការពារ​ជាតិ បាន​យកឈ្នះ​ក្រុម Than Quảng Ninh FC​នៅ​វគ្គ​ផ្ដាច់ព្រ័ត្រ ដោយ​បាល់ទាត់​ប៉េ​ណាំង​ទី​កាត់សេចក្តី​៤​ទល់​៣​នៅ​ល្ងាច​ថ្ងៃ​សៅរ៍ ទី​១៧ ខែវិច្ឆិកា ឆ្នាំ​២០១៨​។



ក្រុម​ក្រសួងការពារជាតិ របស់​កម្ពុជា ដឹកនាំ​ដោយ​លោក ខូវ ឆាយ ជា​អគ្គលេខាធិការ​ក្លិប លោក ទេព ឡុង​រចនា ជា​អ្នកចាត់ការ​ទូទៅ​ក្លិប​លោក ភា សុភ​ត្រា ចា​គ្រូបង្វឹក​លោក អ៊ុំ សាវង្ស​, ហោ សុខ​ហេង​,​ឡុង សុធា​រ៉ា និង លេង ណា​វីន ជា​ជំនួយការ​គ្រូបង្វឹក​។ ចំណែក​កីឡាករ​មាន សំរឹទ្ធ សីហា​, គឹម ស៊ី​ម៉េង​, ខែ​ក ខេមរិន្ទ​, រឿ​ម ចាន់​រឿន​, ម៉ាត់ សាត់​យ៉ា​,​អ៊ែ​ល ធី​ហឿ​ត​, អ៊ុ​ព កា​ម៉ុ​ល​, ង៉ែត លី​ទី​,​សុខ ហៀ​ង​,​ភួង សុខ​សា​ណា​, ជា ណា​វីន​, កាន់ ពិសាល​, ទូច រ៉ូ​ម៉ា​,​ណា​រ៉ុង កក្កដា​។ ក្រៅពីនោះ​កីឡាករ​បរទេស​មាន Yoo Jae Ho ជនជាតិ​កូរ៉េខាងត្បូង​, Yudai Ogawa ជនជាតិ​ជប៉ុន​,MOHAMED HAMZA ជនជាតិ​អេ​ហ្ស៊ី​ប​, Na Hyosung ជនជាតិ​កូរ៉េខាងត្បូង​។



ដំណើរ​ទៅកាន់​ប្រទេស​ចិន នេះ​ត្រូវ​បាន​ក្លិប​ក្រសួងការពារជាតិ គិតថា​គឺជា​ឱកាស​ក្នុង​ការ​ធ្វើតេស្ត​សមត្ថភាព​ដល់​កីឡាករ​ថ្មីៗ​មួយចំនួន​មុន​រដូវ​កាល​ថ្មី​ឆ្នាំ​២០១៩ មកដល់​ខណៈ​ក្លិប​បាន​ចុះបញ្ជី​កីឡាករ​យុវជន​៤​នាក់​នៅក្នុង​ក្រុម​ជំនួស​កីឡាករ​សំខាន់ៗ​ដែល​កំពុង​ជាប់​ឈ្មោះ​ក្នុង​ក្រុម​ជម្រើសជាតិ​កម្ពុជា ប្រកួត​ក្នុង​ពានរង្វាន់ AFF Suzuki Cup 2018​។ កីឡាករ​ទាំងអស់នោះ​មាន​ឈិន ឈឿន​,​រ៉ឹ​ម ប៊ុន​ហៀ​ង​, ស ពិសិដ្ឋ និង អ៊ុំ វិចិត្រ​៕

Source: Kampuchea Thmey Daily