ភ្នំពេញ ៖ ស្ត្រីជនជាតិអូស្ត្រាលីម្នាក់ ព្រោះតែបានឈ្លោះប្រកែកជាមួយប្តីបានសម្រេចចិត្តទិញស្រាផឹករហូតបណ្ដាលឲ្យលើសឈាមស្លាប់បង្កជាការភ្ញាក់ផ្អើលនៅក្នុងបន្ទប់នៃសណ្ឋាគារអង្គរជាតិកាលពីវេលាម៉ោង ០៩និង ៣០នាទីថ្ងៃទី ០៤ ខែវិច្ឆិកា ឆ្នាំ២០១៨ នេះនៅទីតាំងលេខ៣៨និង៥០ផ្លូវលេខ១៨៤កែង ផ្លូវលេខ១៥ ក្នុងសង្កាត់ផ្សារកណ្តាល១ ខណ្ឌដូនពេញ។
សមត្ថកិច្ចបានឲ្យដឹងថា ជនបរទេសដែលស្លាប់នោះឈ្មោះTaylor Chille Mae អាយុ៤៥ឆ្នាំមុខរបរទេសចរណ៍កាន់លិខិតឆ្លងដែនលេខPa៧៦១០៧៦៧ស្នាក់នៅបន្ទប់លេខ៣១៦ជាន់ទី៣នៃសណ្ឋាគារកើតហេតុ។
បើតាមការឲ្យដឹងពីឈ្មោះPriyouich David Goran ដែលត្រូវជាម្តាយជនរងគ្រោះបានឲ្យដឹងថា ខ្លួននិងប្រពន្ធបានចូលមកស្នាក់នៅសណ្ឋាគារខាងលើតាំងពីថ្ងៃទី ០១ខែវិច្ឆិកាឆ្នាំ ២០១៨ មកម្ល៉េះពេលកំពុងស្នាក់នៅខ្លួននិងប្រពន្ធបានឈ្លោះប្រកែកពាក្យសំដីជាមួយគ្នារហូតទៅដល់ថ្ងៃទី ០៣ខែវិច្ឆិកា ឆ្នាំ២០១៨ វេលាម៉ោងប្រហែល ២២និង០០នាទី ខ្លួនបានទៅជួលបន្ទប់មួយទៀតលេខ ៣១៦ជាន់ទី ៣ ស្នាក់នៅតែម្នាក់ឯងប៉ុន្តែមិនទាន់បានសម្រាកផងខ្លួនបានដើរចេញទៅផឹកស៊ីខាងក្រៅបាត់រហូតម៉ោងប្រហែល៣និង០០នាទី ឈានចូលថ្ងៃទី ៤ខែវិច្ឆិកា ឆ្នាំ២០១៨ ដដែលទើបខ្លួនត្រឡប់មកបន្ទប់វិញប្រហែលជា៥នាទីក្រោយមក ខ្លួនបានឡើងទៅបន្ទប់លេខ ៥០៧ ជាន់ទី ៥ ឃើញជំហរទ្វារខ្លួនក៏ដើរចូលទៅឃើញប្រពន្ធរបស់ខ្លួនកំពុងអង្គុយផឹកស្រាបៀរតែម្នាក់ឯងពេលនោះខ្លួនក៏បានគ្រាប្រពន្ធជិះជណ្ដើរយន្តចុះមកដេកបន្ទប់លេខ ៣១៦ ជាន់ទី៣ ជាមួយខ្លួនលុះដល់ម៉ោងប្រហែល ៩ និង ៣០ នាទីព្រឹកថ្ងៃដដែល ពេលខ្លួនក្រោកពីដេកបានដាស់ប្រពន្ធជាច្រើនដងតែមិនងើបខ្លួនក៏យកដៃទៅស្ទាបជីពចរបំពង់ករបស់ប្រពន្ធឃើញគាត់ដេកដកដង្ហើមរាំងស្ទះៗខ្លួនក៏បានរត់ចុះមកក្រោមប្រាប់អ្នកទទួលភ្ញៀវ ឲ្យហៅរថយន្តសង្គ្រោះរបស់មន្ទីរពេទ្យកាល់ម៉ែតមកដល់ពេទ្យក៏បានបញ្ជាក់ប្រាប់ថា ប្រពន្ធរបស់ខ្លួនបានស្លាប់បាត់ទៅហើយ។
ដោយឆ្លងតាមការពិនិត្យគ្រូពេទ្យកោសល្យវិច័យនិងការិយាល័យបច្ចេកទេសវិទ្យាសាស្ត្របានឲ្យដឹងថា ជនរងគ្រោះស្លាប់ដោយសារជំងឺលើសឈាម។ បច្ចុប្បន្នសពបានសម្រេចបញ្ជូនទៅតម្កល់នៅមន្ទីរពេទ្យខ្មែរមិត្តភាពសូវៀត៕
Source: Kampuchea Thmey Daily
0 Comments