មណ្ឌលគិរី ៖ សមត្ថកិច្ចចម្រុះមួយក្រុមរួមមាន សង្កាត់រដ្ឋបាលព្រៃឈើ នគរបាលអត្តសញ្ញាណកម្ម នគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ និងអ្នកកាសែតត្បាញអាយ បានប្រដេញតាមរថយន្តដឹកឈើមួយគ្រឿង រួចក៏ជ្រុលបុកចូលផ្ទះអ្នកស្រុក បណ្ដាលឲ្យស្លាប់ម្នាក់ និង របួសធ្ងន់៣នាក់។
ហេតុការណ៍នេះកើតឡើង កាលពីវេលាម៉ោង៦និង២៥នាទីល្ងាច ថ្ងៃទី២៧ធ្នូ នៅចំណុចគីឡូម៉ែត្រ លេខ៥៣ផ្លូវជាតិ៧៦ ស្ថិតនៅភូមិត្រពាំងផ្អេ ឃុំស្រែខ្ទុម ស្រុកកែវសីមា ខេត្តមណ្ឌលគិរី។
បច្ចុប្បន្ន មនុស្ស៤នាក់ ជាសមត្ថកិច្ចចម្រុះ ត្រូវបានបញ្ជូនទៅតុលាការខេត្តមណ្ឌលគិរី ដើម្បីសម្រេចតាមច្បាប់។ ចំណែកជនម្នាក់ទៀត ត្រូវបានគេដឹងថាជាអ្នកសារព័ត៌មាន CTV Online មួយ ក៏ត្រូវបាន សមត្ថកិច្ចកំពុងតាមចាប់ខ្លួនដែរ ក្រោយកើតហេតុហើយ គាត់បិទសាប៊ូគូទរត់បាតជើងសព្រាតទុកតែកាតអ្នកសារព័ត៌មាននៅកន្លែងកើតហេតុប៉ុណ្ណោះ៕
Source: Kampuchea Thmey Daily
0 Comments