ឧត្តរមានជ័យ ៖ នៅលើផ្លូវជាតិលេខ៥៦ ចន្លោះបង្គោលគីឡូម៉ែត្រលេខ ១០៥~១០៦ ស្ថិតនៅភូមិអូព្រាល សង្កាត់បុស្បូវ ក្រុងសំរោង ខេត្តឧត្តរមានជ័យ មានកើតករណី គ្រោះថ្នាក់ចរាចរណ៍មួយ រវាងម៉ូតូ និងគោយន្តកន្ត្រៃ បើកបរស្របទិសគ្នា ពីកើតទៅលិច បណ្តាលឲ្យស្លាប់មនុស្ស១នាក់នៅនឹងកន្លែង។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង២១និង០០នាទី ថ្ងៃទី២៨ធ្នូ
ជនរងគ្រោះ(ស្លាប់) ឈ្មោះ ឌំ បូរ៉ា ភេទប្រុស អាយុ២៧ឆ្នាំ មុខរបរ ជាទាហាននៅកងពលលេខ៥ មានទីលំនៅបច្ចុប្បន្ន នៅភូមិស្រែណូយ ឃុំស្រែណូយ ស្រុកវ៉ារិន ខេត្តសៀមរាប (ស្លាប់នៅកន្លែងកើតហេតុ និងមិនពាក់មួកសុវត្ថិភាព) បានបើកបរម៉ូតូម៉ាក HONDA CLUB ពណ៌ ស ពាក់ស្លាកលេខ ភ្នំពេញ ២AR-៧៨៩៩ ក្នុងល្បឿនលឿន ហើយទៅបុកគោយន្តកន្ត្រៃពីក្រោយ ដែលបើកបរដោយឈ្មោះ គាប់ ផុង ភេទប្រុស អាយុ២៩ឆ្នាំ មុខរបរ កសិករ រស់នៅភូមិត្រពាំងអំពិល ឃុំគោកមន ស្រុកបន្ទាយអំពិល ខេត្តឧត្តរមានជ័យ (គ្មានរបួស)។ មូលហេតុ ម៉ូតូបើកបរល្បឿនលឿនទើបបណ្តាលឲ្យបុកគោយន្តកន្ត្រៃពីក្រោយតែម្តង។
ក្រោយកើតហេតុ កម្លាំងជំនាញចរាចរណ៍ បានចុះដល់កន្លែងកើតហេតុជួយអន្តរាគមន៍ និងប្រគល់សាកសពជូនសាច់ញាតិយកទៅធ្វើបុណ្យតាមប្រពៃណី រីឯវត្ថុតាង យកមករក្សាទុកនៅអធិការដ្ឋាននគរបាលក្រុង រង់ចាំធ្វើការសម្របសម្រួលតាមនីតិវិធី៕
Source: Kampuchea Thmey Daily
0 Comments