ឧត្តរមានជ័យ ៖ នៅលើផ្លូវក្រាលកៅស៊ូលេខ2625 ស្ថិតនៅភូមិទំនប់ដាច់ ឃុំទំនប់ដាច់ ស្រុកត្រពាំងប្រាសាទ ខេត្តឧត្តរមានជ័យ មានកើតករណីគ្រោះថ្នាក់ចរាចរណ៍មួយរវាងម៉ូតូ និងរថយន្ត បើកបរស្របទិសគ្នាពីកើតទៅលិច បណ្ដាលឲ្យមនុស្សចំនួន៣នាក់ ស្លាប់បាត់បង់ជីវិតនៅកន្លែងកើតហេតុ កាលពីវេលាម៉ោង៩និង០០នាទី ថ្ងៃទី២៧ ខែធ្នូ ឆ្នាំ២០១៨។
សមត្ថកិច្ចបានឲ្យដឹងថា ម្ចាស់រថយន្ត ម៉ាកវេអង ពាក់ស្លាកលេខខាងមុខ 3A-7408 ព្រះសីហនុ និងស្លាកលេខខាងក្រោយ 4A-3350ព្រះសីហនុ ពុំស្គាល់ឈ្មោះ ដោយរត់ចោលរថយន្ត(គ្មានរបួស)។
សមត្ថកិច្ចបានបន្តឲ្យដឹងថា ម្ចាស់ម៉ូតូ ម៉ាកC125 ពណ៌ក្រហម (គ្មានស្លាកលេខ) ឈ្មោះ ម៉ន ថៃ ភេទប្រុស អាយុ២៩ឆ្នាំ រស់នៅភូមិត្រាំចាន ឃុំព្រះប្រឡាយ ស្រុកត្រពាំងប្រាសាទ ខេត្តឧត្តមានជ័យ (ស្លាប់នៅកន្លែងកើតហេតុ)។ ២.ឈ្មោះ វណ្ណះ សែនណារី ភេទស្រី អាយុ២១ឆ្នាំ រស់នៅភូមិត្រាំចាន ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ (ស្លាប់នៅកន្លែងកើតហេតុ)។ ៣.ឈ្មោះ ថៃ ស្រីមុំ ភេទស្រី អាយុ៣ខែ (ស្លាប់នៅកន្លែងកើតហេតុ)។
សមត្ថកិច្ចបានឲ្យដឹងទៀតថា មូលហេតុ ៖ អ្នកបើកបររថយន្ត បើកហួសល្បឿនកំណត់ រីឯវត្ថុតាងទាំងសងខាង ត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលស្រុកត្រពាំងប្រាសាទ ដើម្បីបន្តនីតិវិធីតាមច្បាប់៕
Source: Kampuchea Thmey Daily
0 Comments