រតនគិរី ៖ បុរស២នាក់ បានឈ្លោះប្រកែកគ្នា ឈានដល់ការប្រើអំពើហិង្សាដោយចេតនាបង្កឲ្យមានរបួសស្នាមម្នាក់ ត្រូវមួយកាប់បិតចុងស្រួចត្រង់ស្នាខាងស្តាំរបួសស្រាល។
ករណីហិង្សានេះ បានកើតឡើង កាលពីវេលាម៉ោង៩និង៥៦នាទីយប់ ថ្ងៃពុធ ៥កើត ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១២ ខែធ្នូ ឆ្នាំ២០១៨កន្លងទៅ នៅចំណុចស្ពានអូរតាង ក្រុមហ៊ុនម៉ាងយ៉ាងខេ ស្ថិតនៅភូមិវ៉ង ឃុំកាចូន ស្រុកវើនសៃ។
មន្ត្រីនគរបាលស្រុកវើនសៃបានឲ្យដឹងថា ជនរងគ្រោះឈ្មោះ វៀង ដំ ភេទប្រុស អាយុ២៤ឆ្នាំ ជនជាតិខ្មែរ មានស្រុកកំណើតភូមិកាឡែងឃុំកាឡែង ស្រុកលំផាត់ ខេត្តរតនគិរី មុខរបរកម្មករចៀរជ័រកៅស៊ូឲ្យក្រុមហ៊ុនម៉ាងយ៉ាងខេ(វៀតណាម)។ រីឯជនដៃដល់ក្រោយពីប្រើអំពើហិង្សា បានរត់គេចខ្លួនបាត់។
ចំណែកជនរងគ្រោះត្រូវបានគេដឹកបញ្ជូនទៅសង្គ្រោះនៅមន្ទីរពេទ្យក្នុងក្រុមហ៊ុនម៉ាងយ៉ាងខេ(វៀតណាម)។
បច្ចុប្បន្នកម្លាំងជំនាញកំពុងធ្វើការតាមស្រាវជ្រាវចាប់ជនដៃដល់យកមកផ្ដន្ទាទោសទៅតាមផ្លូវច្បាប់៕
Source: Kampuchea Thmey Daily
0 Comments