ភ្នំពេញ ៖ រថយន្តម៉ាកឡង់គ្រីស័រ បើកបត់ឆ្លងផ្លូវមិនប្រុងប្រយ័ត្ន ត្រូវម៉ូតូបុកពីក្រោយ បណ្តាលឲ្យរងរបួសអ្នកបើកបរម្នាក់ កាលពីវេលាម៉ោង១៨និង១៥នាទី នាថ្ងៃទី១៣ ខែធ្នូ ឆ្នាំ២០១៨ ត្រង់ចំណុចលើផ្លូវជាតិលេខ៥ ភូមិគ្រួស សង្កាត់សំរោង ខណ្ឌព្រែកព្នៅ រាជធានីភ្នំពេញ។
គ្រោះថ្នាក់ចរាចរណ៍នេះរវាងរថយន្តម៉ាកឡង់គ្រីស័រ ពណ៌ខ្មៅ ពាក់ស្លាកលេខ ភ្នំពេញ2I.8720 ធ្វើដំណើរលើផ្លូវជាតិលេខ៥ ក្នុងទិសដៅពីរជើងទៅត្បូង (បត់ឆ្លងផ្លូវ)អ្នកបើកបរឈ្មោះ លី ហួត ភេទប្រុស អាយុ៦៦ឆ្នាំ ស្នាក់នៅភូមិដួង សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។ ចំណែកម៉ូតូម៉ាកហុងដាC125 ពណ៌ខ្មៅ ពាក់ស្លាកលេខ កណ្តាល1U.4560 ធ្វើដំណើរលើផ្លូវជាតិលេខ៥ ក្នុងទិសដៅពីរជើងទៅត្បូង បើកបរដោយឈ្មោះ ចន្ទ័ រាជ្នី ភេទប្រុស អាយុ២៩ឆ្នាំ ស្នាក់នៅភូមិម្លូម៉ឺន ឃុំផ្សារដែក ស្រុកពញាឭ ខេត្តកណ្តាល អ្នករួមដំណើរ ឈ្មោះ ធម្ម មានឫទ្ធិ ភេទប្រុស អាយុ១៧ឆ្នាំ ស្នាក់ភូមិជាមួយគ្នា។
ប៉ូលិសមូលដ្ឋានបានឲ្យដឹងថា នៅមុនពេលកើតហេតុ គេឃើញរថយន្តម៉ាកឡង់គ្រីស័រ លុះមកដល់កន្លែងកើតហេតុ ក៏បានបើកបត់ឆ្លងផ្លូវមិនប្រុងប្រយ័ត្ន ត្រូវម៉ូតូម៉ាកហុងដាC125 បុកពីក្រោយបណ្ដាលឲ្យរងរបួសអ្នកបើកបរម៉ូតូម្នាក់ ក្រោយកើតហេតុ ត្រូវបានគេបញ្ជូនទៅមន្ទីរពេទ្យ។
ក្នុងករណីនេះ បណ្តាលឲ្យ ខូចខាតរថយន្តស្រាល០១គ្រឿង និងខូចខាតម៉ូតូ០១គ្រឿង រងរបួសមនុស្សម្នាក់។
មូលហេតុបណ្តាលមកពីររថយន្ត ឡង់គ្រីស័រ (បត់ឆ្លងផ្លូវ ) ខ្វះការប្រុងប្រយ័ត្ន បណ្ដាលឲ្យម៉ូតូបុកពីរក្រោយតែម្ដង។ ករណីនេះប៉ូលិសមូលដ្ឋានបានប្រគល់ទៅឲ្យការិយាល័យនគរបាលចរាចរណ៍ផ្លូវគោក ដោះស្រាយបន្ត៕
Source: Kampuchea Thmey Daily
0 Comments