បាត់ដំបង ៖ យ៉ាងហោចណាស់ក៏មានមនុស្សចំនួន ២ នាក់ ដែរ ដែលបានរងរបួសយ៉ាងធ្ងន់ធ្ងរ ព្រមទាំងបានបញ្ជូនទៅសង្គ្រោះនៅឯមន្ទីរពេទ្យបង្អែកស្រុកសំពៅលូន ផងដែរ បន្ទាប់ពីមានគ្រោះថ្នាក់ចរាចរណ៍មួយបានកើតឡើង នៅលើកំណាត់ផ្លូវ តាមបណ្តោយខ្សែបន្ទាត់ព្រំដែន កម្ពុជា-ថៃ ។
ហេតុការណ៍នេះ បានកើតឡើង នៅថ្ងៃទី១២ ខែធ្នូ ឆ្នាំ២០១៨ វេលាម៉ោង៨និង៥០នាទី យប់ នៅចំណុចលើភ្នំប្រុស ស្ថិតក្នុងភូមិ ភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង រវាង រថយន្ត និង រថយន្ត ក្នុងទិសដៅច្រាស់គ្នា។
តាមរបាយការណ៍របស់សមត្ថកិច្ចបានបញ្ជាក់ថា នៅមុនពេលកើតហេតុ គឺមាន រថយន្តម៉ាក ISUZU ពណ៌សំបកឪឡឹក ពាក់ស្លាកលេខ ភ្នំពេញ 2I-9315 បើកបរពីកើត ទៅលិច ក្នុងល្បឿនយ៉ាងលឿនផងដែរ លុះដល់ចំណុចខាងលើ បានរេទៅបុករថយន្ត ០១គ្រឿង ទៀត ម៉ាកហាយឡែនឌ័រ ពណ៌ ស ពាក់ស្លាកលេខ ភ្នំពេញ 2AI-6683 ដែលបើកបរដោយ ឈ្មោះ ចាន់ ស៊ីណាត ភេទស្រី អាយុ ២៩ឆ្នាំ មានទីលំនៅភូមិ ស្រែអំបិល ឃុំត្រពាំង ស្រុក ស្រែអំបិល ខេត្តកោះកុង។
នៅក្នុងហេតុការណ៍នោះដែរ គេសង្កេតឃើញថា ភាគីរងគ្រោះបានរងរបួសយ៉ាងធ្ងន់ធ្ងរចំនួន ២នាក់ ដោយឡែកភាគីរថយន្តបង្ក បានរត់គេចខ្លួនបាត់ទៅហើយ មុនពេលសមត្ថកិច្ចចុះទៅដល់ ដែលភ្លាមៗនោះដែរ ជនរងគ្រោះទាំង០២នាក់ បានបញ្ជូនទៅព្យាបាល នៅមន្ទីរពេទ្យបង្អែកស្រុកសំពៅលូនហើយ។
បច្ចុប្បន្ន ក្រោយពីសមត្ថកិច្ចជំនាញបានចុះ ពិនិត្យកន្លែងកើតហេតុ និងធ្វើការវាស់វែងរួចមក ក៏ បានយករថយន្តទាំង០២គ្រឿង ទៅរក្សាទុកនៅអធិការដ្ឋាននគរបាលស្រុកភ្នំព្រឹកជាបណ្តោះអាសន្ន ដើម្បីរង់ចាំដោះស្រាយតាមនីតិវិធីច្បាប់៕
Source: Kampuchea Thmey Daily
0 Comments