វង្ស ណយ ចាញ់ តាកសិលា ខណៈ អ៊ូច ធារិទ្ធ ផ្តួលមឿងផេតទឹក២

អ្នកប្រដាល់ជើងខ្លាំងកម្ពុជាវង្ស ណយ នៃក្លិបកុលបុត្រគុនខ្មែរ បានប្រកួតចាញ់អ្នកប្រដាល់ថៃតាក សិលា នៅក្នុងការជួបគ្នាលើសង្វៀនបាយ័នស្ទឹងមានជ័យ កាលពីយប់ថ្ងៃទី៣០ ខែធ្នូ ឆ្នាំ២០១៨។

វង្ស ណយ បានវាយចាញ់អ្នកប្រដាល់ថៃចំណូលថ្មីតាក់ សិលា ប្រាន២៦ (TuksilaPhran26)ដោយពិន្ទុ បន្ទាប់ពីប្រកួតគ្នា៥ទឹកពេញនោះ។ ពួកគេទាំងពីរនាក់នេះ ប្រកួតគ្នាក្នុងទម្ងន់៧១គីឡូក្រាម។

តាក់ សិលា ឈ្នះវង្ស ណយនេះ ដោយសារគេវាយចំគោលដៅល្អជាងនិងច្រើនជាង ការវាយចេញរបស់វង្ស ណយ។ ដូច្នេះហើយ ទើបចប់ការប្រកួត តាក សិលា ឈ្នះដោយពិន្ទុនោះ ។

អ្នកប្រដាល់ថៃតាក សិលានេះ រាល់ការវាយចេញរបស់គេ គឺលឿន រហ័ស ដែលធ្វើអោយវង្ស ណយ ពិបាកក្នុងការការពារនិងវាយបកវិញនោះ ។ យ៉ាងណា អ្នកប្រដាល់ថៃរូបនេះ បើតាមកំនត់ត្រាប្រកួតរបស់គេ គឺមិនសមនឹងបានឈ្នះវង្ស ណយនោះទេ ខណៈដែល វង្ស ណយ គេមានកំនត់ត្រាប្រកួតចំនួន១៩០លើក ឈ្នះ១២៦លើក ចាញ់៥៩លើក និងស្មើ៥លើកឯណោះ ។

ចំណែក អ៊ូច ធារិទ្ធ អ្នកប្រដាល់ក្លិបអាណាចក្រគុនខ្មែរ ដែលគេផ្គូអោយជួបប្រកួតជាមួយអ្នកប្រដាល់ថៃឈ្មោះមឿង ផេត ហ្វា គ្រុប(Muengpetch Fa Kroup)នោះ បានវាយផ្តួលមឿង ផេត អោយបោះបង់ចោលការប្រកួតក្នុងទឹកទី២ ។ ពីរនាក់នេះ ប្រកួតគ្នាក្នុងទម្ងន់៥៧គ.ក្រ ។

អ៊ូច ធារិទ្ធ ជាអ្នកប្រដាល់ដែលចាត់ទុកថា ជាជើងខ្លាំងស្រករក្រោយម្នាក់ ។ គេបានឆ្លងកាត់ការប្រកួតជាមួយអ្នកប្រដាល់ថៃ១០លើក និងឡាវ១លើកប៉ុណ្ណោះ ប៉ុន្តែលទ្ធផលគេ គឺឈ្នះជាងចាញ់ ។កាលពីជួបប្រកួតជាមួយថៃលើកមុន(១៨វិច្ឆិកា២០១៨) គេបានវាយស្មើជាមួយឃុម ផេត (Khum Petch) ។

ជាអ្នកប្រដាល់ជើងខ្លាំងស្រករក្រោយ អ៊ូច ធារិទ្ធមានចិត្តធំ កម្លាំងខ្លាំង វាយមិនសំចៃដៃឡើយ ។
ដោយឡែក សម្រាប់ការប្រកួតរវាងអ្នកប្រដាល់រួមជាតិវិញ សេក គឹមរួនអ្នកប្រដាល់ក្លិបអង្គរមានជ័យខេត្តសៀមរាប បានផ្តួលយកឈ្នះភុំ សារ៉ាយ អ្នកប្រដាល់ជើងចាស់សមាគមកីឡាប្រដាល់ក្រសួងការពារជាតិ ក្នុងទឹកទី២ ។ពីរនាក់នេះ ជួបប្រកួតគ្នាក្នុងទម្ងន់៦៣,៥០០ គីឡូក្រាម ៕

ជើងថ្មីវង្ស ពិសី សាកកណ្តាប់ដៃជាមួយជើងចាស់ ធី តុងហ៊ី នៅសង្វៀនស្ទឹងមានជ័យ
វង្ស ពិសី អ្នកប្រដាល់ជើងថ្មី ក្លិបកងពលតូចទ័ពឆ័ត្រយោង៩១១ ដែលគេបានផ្គូអោយជួបសាកកណ្តាប់ដៃជាមួយ ធី តុងហ៊ី អ្នកប្រដាល់ជើងចាស់ក្លិបពន្លឺវិបុលមានរិទ្ធ កាលពីរសៀលថ្ងៃទី២៩ ធ្នូ ២០១៨ នៅលើសង្វៀនបាយ័នស្ទឹងមានជ័យនោះ បានឈ្នះអ្នកប្រដាល់វង្ស ពិសី ក្នុងទឹកទី២ ។អ្នកប្រដាល់ជើងថ្មីជើងចាស់ទាំងពីរនេះ ជួបប្រកួតគ្នាក្នុងប្រភេទទម្ងន់៧១គីឡូក្រាម ។
ធី តុងហ៊ី គេជាអ្នកប្រដាល់ដែលធ្លាប់ល្បីឈ្មោះបោះសម្លេងគួរសមដែរកន្លងមក ។

អ្នកប្រដាល់រូបនេះវាយឡើងបន្តិចវិញហើយ ដោយ៦-៧ប្រកួតចុងក្រោយនេះ គេវាយមិនដែលចាញ់នោះទេ ។

វ៉ែន ហុងជីវ៉ុង ជាអ្នកប្រដាល់ក្លិបមកុដរាជសីហ៍ ប្រកួតឈ្នះ ធឹម ទាន់ អ្នកប្រដាល់ក្លិបរាជសីហ៍ខេត្តរតនគិរីដោយពិន្ទុ។ ជីវ៉ុង ជាអ្នកប្រដាល់ជើងចាស់ ឯធឹម ទាន់ ជាអ្នកប្រដាល់ស្រករក្រោយ ។

ធឹម ទាន់ ជួបជាមួយ វ៉ែន ហុងជីវ៉ុង នេះ គេវាយមិនបានល្អទេ ដោយវាយខុសគោលដៅច្រើនពេក ។ សូមបញ្ជាក់ថា ការប្រកួត៣-៤ ប្រកួតចុងក្រោយនេះ ជីវ៉ុង ចាញ់គេរហូត។

កែវ សំរិទ្ធ អ្នកប្រដាល់ក្លិបរាជសីហ៍ ខេត្តរតនគិរី ប្រកួតចាញ់អូន ចាន់ឡឹង អ្នកប្រដាល់ក្លិបកុសលកីឡា ដោយពិន្ទុ ក្នុងការជួបគ្នាទម្ងន់៦៥គីឡូក្រាម ។ ពីរនាក់នេះ ពុំធ្លាប់ដែលជួបគ្នាទេកន្លងមក ។

អូន ចាន់ឡឹង ក្រោយការបង្ហាញមុខលើសង្វៀនពីរប្រកួតចុងក្រោយនេះ គេបានផ្តួលដៃគូ អោយសន្លប់ក្នុងទឹកទី១ទាំងពីរប្រកួត ហើយលើកនេះ ផ្តួលដៃគូប្រកួតក្នុងទឹកទី៣ ។

អេ រាជសីហ៍ អ្នកប្រដាល់ក្លិបអេភូថងកីឡា ប្រកួតឈ្នះណាក់ សុខា អ្នកប្រដាល់ក្លិបយុវវាលស្បូវខណ្ឌច្បារអំពៅ ក្នុងទឹកទី៤ ។ ពីរនាក់នេះប្រកួតគ្នាក្នុងទម្ងន់៦៣,៥០០គីឡូក្រាម ៕