ឧត្តរមានជ័យ ៖ នៅថ្ងៃទី៣០ ខែធ្នូ ឆ្នាំ២០១៨ វេលាម៉ោង០៨និង១៥ នាទីព្រឹក កម្លាំងអធិការដ្ឋាននគរបាលស្រុកអន្លង់វែង បានអនុវត្តដីកាបង្គាប់ឲ្យចាប់ខ្លួន លេខ០៦៦ ដចប ចុះថ្ងៃទី១៣ ខែវិច្ឆិកា ឆ្នាំ២០១៨ របស់ លោក លី ចន្ថា ចៅក្រមស៊ើបសួរ នៃសាលាដំបូងខេត្តឧត្តរមានជ័យ ក្នុងនោះបានធ្វើការឃាត់ខ្លួនជនសង្ស័យម្នាក់នៅចំណុចភូមិទួលទ្រាស ឃុំលំទង ស្រុកអន្លង់វែង ឈ្មោះ ហ៊ឹង ភារៈ ហៅ វីរៈ ភេទប្រុស អាយុ៣៤ឆ្នាំ រស់នៅភូមិទួលទ្រាស ឃុំលំទង ស្រុកអន្លង់វែង ពីបទជួញដូរដោយខុសច្បាប់នូវសារធាតុ ប្រព្រឹត្តនៅភូមិសាមគ្គី ឃុំត្រពាំងប្រីយ៍ ស្រុកអន្លង់វែង កាលពីថ្ងៃទី១៧ ខែមីនា ឆ្នាំ២០១៨។
បច្ចុប្បន្ន បានបញ្ជូនទៅកាន់សាលាដំបូងខេត្តឧត្តរមានជ័យ ដើម្បីចាត់ការបន្តតាមនីតិវិធី៕
Source: Kampuchea Thmey Daily
0 Comments