ភ្នំពេញ ៖ ជនសង្ស័យ២នាក់ ត្រូវបាននគរបាលខណ្ឌឫស្សីកែវ ឃាត់ខ្លួនពាក់ព័ន្ធគ្រឿងញៀន២កញ្ចប់ កាលពីវេលាម៉ោង៣ទៀបភ្លឺ ថ្ងៃទី៣១ ខែធ្នូ ឆ្នាំ២០១៨ ត្រង់ចំណុចក្រុមទី៤ ភូមិសាមគ្គីសង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ជនសង្ស័យចំនួនពីរនាក់ ទី១-ឈ្មោះ ឈឿន រតនា ភេទប្រុស អាយុ៤៧ឆ្នាំ ជនជាតិខ្មែរ មានទីលំនៅផ្ទះលេខ៣១៧ ផ្លូវបេតុងក្រុម១៧ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។ មុខរបរ រត់ម៉ូតូឌុប។ ទី២-ឈ្មោះ ជា ដាលីន ភេទស្រី អាយុ២០ឆ្នាំ ជនជាតិខ្មែរ មានទីលំនៅស្នាក់នៅផ្ទះជួល ផ្លូវបេតុងក្រុមទី១០ ភូមិចុងខ្សាច់ សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ មុខរបរនៅផ្។ទះ ជនសង្ស័យទាំងពីរនាក់ ខាងលើ បានប្រព្រឹត្តអំពើជួញដូរដោយខុសច្បាប់នូវសារធាតុញៀន។
វត្ថុតាងដកហូតមាន ៖ ក្រាមពណ៌សថ្លា ចំនួន២កញ្ចប់តូច -ទូរស័ព្ទដៃចំនួន២គ្រឿង ម៉ាកសាំសុង១គ្រឿង ម៉ាកណូគា១គ្រឿង និងម៉ូតូម៉ាកសង់កូរេ១គ្រឿង។
ក្រោយឃាត់ខ្លួន ជំនាញខណ្ឌ និង ប៉ុស្តិ៍ សួរចម្លើយ កសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី៕
Source: Kampuchea Thmey Daily
0 Comments