ភ្នំពេញ ៖ ប្រិយមិត្តប្រាកដជាធ្លាប់ដឹងមកហើយថា OPPO កំពុងទទួលបានការគាំទ្រខ្លាំងមែនទែនពីអតិថិជនទូទាំងសកលលោក។ ទីផ្សារ និងភាពពេញនិយមដែលមហាជនទូទៅទទួលស្គាល់ពីOPPO គឺគុណភាពនៃរូបថតស៊ែលហ្វី ល្បឿន នៃម៉ាស៊ីន និងការរចនារូបរាងតែម្ដង។
ថ្មីៗនេះ OPPO មិនបានសម្ងំលាក់ខ្លួនព្រងើយកន្តើយ និងមិនឲ្យអ្នកគាំទ្រខកចិត្តឡើយ ដោយបានចេញកំពូលទូរស័ព្ទស្មាតហ្វូនស៊េរីចុងក្រោយមួយទៀត ដែលស្ថិតនៅត្រកូល R គឺ OPPO R17 Pro ដែលនាំយកលក្ខណៈពិសេស នៃការថតរូបពេលយប់មិនចាញ់កាមេរ៉ាអាជីពប៉ុន្មានឡើយ។
ដំណើរការ នៃការអភិវឌ្ឍន៍តាមជំនាន់កំពូលស្មាតហ្វូនរបស់ OPPO ត្រកូល R ផ្ដោតទៅលើគុណភាព នៃរូបថតនោះ គឺចាប់តាំងពីម៉ូដែលR9 មកម្ល៉េះ រួចក៏បន្តមកដល់ម៉ូដែលR15 ព្រោះវាតែងតែជាអ្នកដឹកនាំឈានមុខគេទៅលើ Camera Phone។
មុខងារដ៏លេចធ្លោជាងគេរបស់ម៉ូដែល OPPO R17 Pro គឺការថតរូបច្បាស់ខ្លាំងនៅពេលយប់។ ហេតុអ្វីបានជា OPPO R17 Pro ត្រូវបានគេចាត់ទុកថាជាកំពូលស្មាតហ្វូន King of Low Light?។ OPPO R17 Pro បានប្រើប្រាស់នូវបច្ចេកវិទ្យាកាមេរ៉ាដ៏ឈានមុខ ដោយបំពាក់មកជាមួយនូវកាមេរ៉ា ក្រោយបីគ្រាប់ ដែលកាមេរ៉ាទី១ គឺជាប្រភេទកាមេរ៉ាមេមានទំហំ 12 MP (មេហ្កាភិគសែល) និងមាន Smart Aperture ដែលអាចប្រែប្រួលទៅតាមស្ថានភាព នៃកម្រិតពន្លឺពី F1.5/F2.4។
ចំណែកឯកាមេរ៉ាទី២ ជាប្រភេទ Depth Sensor ទំហំ 20 MP ហើយនិងកាមេរ៉ាទី៣ ជាប្រភេទកាមេរ៉ា Time of Flight។ ជាងនេះទៅទៀត វាបានបំពាក់នូវបច្ចេកវិទ្យាទប់លំនឹងOISអមមកជាមួយមុខងារ Ultra Night Mode និងមុខងារ Color Mode ធ្វើឲ្យការថតរូបទទួលបានគុណភាពខ្ពស់កប់ស៊េរី ដែលស្មាតហ្វូនធម្មតាមិនអាចធ្វើបានដូចឡើយ។ វាមានមុខងារ Multi-Frame Noise Reduction ដែលមុខងារនេះ ធ្វើឲ្យការថតរូបច្រើនសន្លឹកបង្គំចូលគ្នា ដើម្បីកាត់បន្ថយនូវគ្រាប់ Noise ដែលមាននៅលើរូបភាព និងធ្វើឲ្យរូបភាពកាន់តែច្បាស់ល្អ។
មានទូរស័ព្ទដែលអាចថតរូបស្អាតនៅពេលយប់ គឺមិនទាន់គ្រប់គ្រាន់ទេសំខាន់ត្រូវតែកាន់ថ្មថែមទៀត។ ចំណុចលេចធ្លោរបស់ R17 Pro មួយនេះគឺ ភ្ជាប់ជាមួយបច្ចេកវិទ្យាសាកថ្មលឿន Super VOOC ដែលបច្ចេកវិទ្យានេះប្រើប្រាស់នូវសម្ពាធភ្លើងទាបក្នុងការសាកថ្មទូរស័ព្ទគឺ 10V5A ស្មើនឹងថាមពលសាក 50W ដែលអាចឲ្យអ្នកសាកថ្មកាន់តែលឿនជាងមុនបានដល់ទៅ40%ក្នុងរយៈពេល 10 នាទីហើយវាប្រើពេលត្រឹមតែជាង 40នាទី នឹងអាចសាកថ្មដែលមានទំហំសរុប 3700 mAhឲ្យពេញបាន។
ដូច្នេះ មិនបាច់បារម្ភច្រើនទេចំពោះរូបថតនៅទីងងឹត ព្រាល អត់ច្បាស់ និងទូរស័ព្ទឆាប់អស់ថ្មនោះទេ!។ ចំពោះប្រិយមិត្តដែលចូលចិត្តថតរូបលេង ហើយផូសត៍ក្នុងបណ្ដាញទំនាក់ទំនងសង្គម គឺពិតជាមិនខកបំណងទេ ជាមួយ OPPO R17 Pro ជាពិសេសត្រៀមថតរូបកាំជ្រួចថ្ងៃឆ្លងឆ្នាំនេះតែម្ដង៕
Source: Kampuchea Thmey Daily
0 Comments