ភ្នំពេញ ៖ លោករដ្ឋមន្ត្រី វេង សាខុន នាព្រឹកថ្ងៃច័ន្ទ ថ្ងៃទី២៥ ខែកុម្ភៈ ឆ្នាំ ២០១៩ បានដឹកនាំកិច្ចប្រជុំដើម្បីពិនិត្យ តាមដាននិងវាយតម្លៃលើវឌ្ឍនភាពនៃការអនុវត្តគម្រោងរបស់ដៃគូអភិវឌ្ឍន៍នានាក្នុងក្របខណ្ឌវិស័យកសិកម្ម និងពាក់ព័ន្ធវិស័យកសិកម្ម ហើយនិងស្វែងរកចំណុចខ្លាំង និងចំណុចខ្សោយ រួចដាក់ចេញនូវវិធានការ ឬយន្តការដោះស្រាយឲ្យបានទាន់ពេលវេលា មានប្រសិទ្ធភាពនិងប្រសិទ្ធ។
បន្ទាប់ពីមន្ត្រីបង្គោលបានធ្វើបទបង្ហាញជូនអង្គប្រជុំបានជ្រាបពីវឌ្ឍនភាពរបស់គម្រោងដែលទាក់ទងនឹងប្រធានបទទី១- គម្រោងកាត់បន្ថយភាពក្រីក្រ និងអភិវឌ្ឍកសិកម្មខ្នាតតូចនៅតំបន់ទន្លេសាប ទី២- ការអភិវឌ្ឍអនុវិស័យជនផល ទី៣- កម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ ដោយលើកយកចំណុចសំខាន់ៗមកបកស្រាយដូចជាកញ្ចប់ថវិកាដែលត្រូវចំណាយ ពេលវាលាអនុវត្តគម្រោង ខេត្តគោលដៅ វិធីសាស្ត្រអនុវត្តគម្រោង លទ្ធផលអន្តរកាល លទ្ធផលរំពឹងទុក បញ្ហាប្រឈម ការចោទសួរ និងចម្លើយរបស់សមាជិក សមាជិកានិងជាពិសេសពីលោករដ្ឋមន្ត្រីផ្ទាល់ លោករដ្ឋមន្ត្រីបានធ្វើការកោតសរសើរ និងវាយតម្លៃខ្ពស់ជូនចំពោះស្ថាប័ន មន្ត្រីបង្គោល និងមន្ត្រីអនុវត្តគម្រោងដែលបានខិតខំប្រឹងប្រែង និងយកចិត្តទុកដាក់អនុវត្តគម្រោងទទួលបានលទ្ធផលគួរជាទីមោទនៈ ហើយលោកក៏បានថ្លែងអំណរគុណយ៉ាងជ្រាលជ្រៅជូនចំពោះរាជរដ្ឋាភិបាលកម្ពុជាតាមរយៈក្រសួងសេដ្ឋកិច្ច និងហិរញ្ញវត្ថុ ភ្នាក់ងារអភិវឌ្ឍអន្តរជាតិ និងដៃគូអភិវឌ្ឍនានាដែលបានជួយឧបត្ថម្ភ គាំទ្រគម្រោងអភិវឌ្ឍវិស័យកសិកម្ម ហើយបានថ្លែងអំណរគុណជូនចំពោះក្រសួង ស្ថាប័ន អាជ្ញាធរពាក់ព័ន្ធគ្រប់លំដាប់ថ្នាក់ដែលបានជួយជ្រោមជ្រែង សហការក្នុងការអនុវត្តគម្រោងនានារហូតទទួលបានលទ្ធផលយ៉ាងល្អប្រសើរ។
លោក រដ្ឋមន្ត្រីសង្ឃឹម និងជឿជាក់ថា កិច្ចសហការដ៏ប្រពៃនេះនឹងបន្តពង្រឹង និងពង្រីកកាន់តែល្អប្រសើរថែមទៀតប្រយោជន៍ ដើម្បីកំណើនសេដ្ឋកិច្ច ការកែប្រែកម្រិតជីវភាពប្រជាពលរដ្ឋ និងកាត់បន្ថយភាពក្រីក្រ។ ជាក្រឹត្យ ក្រមសត្យានុម័ត ការអនុវត្តគម្រោងជាក់ស្តែងនៅមូលដ្ឋានតែងតែផលិតបាននូវលទ្ធផលល្អ ហើយក៏ប្រទះបាននូវចំណុចខ្វះខាត ដូច្នេះ ដើម្បីបង្កើនចំណុចខ្លាំងថែមទៀត កាត់បន្ថយចំណុចខ្សោយ និងបន្តធ្វើនវានុវត្តន៍នូវរាល់ផែនការសកម្មភាពអនុវត្តគម្រោងឲ្យបានទទួលបានជោគជ័យតាមការគ្រោងទុក លោក រដ្ឋមន្ត្រីបានជូនអនុសាសន៍ណែនាំសំខាន់ៗដល់មន្ត្រីបង្គោល និងមន្ត្រីអនុវត្តគម្រោងជាបន្តបន្ទាប់ដូចខាងក្រោម៖
១- មន្ត្រីដែលចូលរួមរៀបចំ ដឹកនាំ និងអនុវត្តគម្រោងត្រូវជ្រើសរើសកម្មវត្ថុរបស់គំរោងឲ្យបានសមស្របតាមផែនការនយោបាយអភិវឌ្ឍវិស័យកសិកម្មឆ្នាំ ២០១៩-២០២៣ និងកំណើនសេដ្ឋកិច្ចជាតិ និងប្រជាជនគឺជារួមការវិវឌ្ឍន៍រីកចម្រើនរបស់ប្រទេសជាតិ ហើយត្រូវតម្រង់ឲ្យចំគោលដៅនៃសេចក្តីត្រូវការរបស់អ្នកទទួលផលពីគម្រោងជាក់ស្តែង ជាពិសេសលទ្ធផលរំពឹងទុកគឺត្រូវឆ្លើយតបទៅតាមឆន្ទៈ និងសូចនាកររបស់រាជរដ្ឋាភិបាល៕
Source: Kampuchea Thmey Daily
0 Comments