សៀមរាប ៖ ដោយសារភ្លើងប្រច័ណ្ឌចោទ គេថាលួចស្រលាញ់ប្រពន្ធរបស់ខ្លួន និងទ្រាំមើលទង្វើបែបនេះលែងបាន ជនសង្ស័យបានទាញដំបងទីបទៅវាយជនរងគ្រោះ បណ្តាលឲ្យរបួសនិងសំណាងហើយបានអ្នកភូមិជួយទាន់។
ហេតុការណ៍បង្កការភ្ញាក់ផ្អើលនេះ កើតឡើងនៅវេលាម៉ោង១២និង០០នាទីថ្ងៃទី២៥ខែកុម្ភៈឆ្នាំ២០១៩នៅភូមិអូរទទឹងឃុំព្រះដាក់ ស្រុកបន្ទាយស្រី ខេត្តសៀមរាប។
លោកឧត្តមសេនីយ៍ត្រី ភឹង ចន្តារ៉េត ស្នងការរងទទួលផែនកណ្តាលព្រហ្មទណ្ឌនៃស្នងការដ្ឋាននគរបាលខេត្តសៀមរាប បានឲ្យដឹងថា កម្លាំងនគរបាលជំនាញព្រហ្មទណ្ឌកម្រិតធ្ងន់នៃស្នងការដ្ឋានខេត្តសៀមរាប បានធ្វើការឃាត់ខ្លួនជនសង្ស័យម្នាក់មានឈ្មោះហ៊ាន ហិន ភេទប្រុស អាយុ៣៨ឆ្នាំ រស់នៅភូមិអូរទទឹង ឃុំព្រះដាក់ ស្រុកបន្ទាយស្រី ខេត្តសៀមរាប។
លោកបន្តថា អង្គហេតុ គឺនៅវេលាម៉ោង១២និង០០នាទី ថ្ងៃទី២៥ ខែកុម្ភៈ ឆ្នាំ២០១៩ កម្លាំងនគរបាលមូលដ្ឋានបានទទួលបណ្តឹងពីប្រជាពលរដ្ឋម្នាក់ឈ្មោះស៊ីន ហាក់ ភេទប្រុស អាយុ៣៧ឆ្នាំនៅភូមិអូរទទឹងឃុំព្រះដាក់ ស្រុកបន្ទាយស្រី ខេត្តសៀមរាប។
លោកបន្តថា ករណីហិង្សាដោយចេតនាដោយមានស្ថានទម្ងន់ទោស( វាយនិងបំពង់ដែកទីប)ដែលកើតឡើងនៅថ្ងៃទី២៤ ខែកុម្ភៈ ឆ្នាំ២០១៩ វេលាម៉ោង១១និង០០នាទី នៅភូមិឃុំដូចបានរៀបរាប់ខាងលើ។ លោកបន្ថែមថា ចំណុចកើតហេតុ គឺនៅផ្ទះលក់នំបញ្ចុកក្បែរផ្ទះជនរងគ្រោះដែលស្ថិតក្នុងភូមិអូរទទឹង ឃុំព្រះដាក់។ លោកបន្ថែមថា ករណីនេះកើតចេញពីការប្រច័ណ្ឌប្រពន្ធហើយបានឆាតតបគ្នា រវាងជនរងគ្រោះនិងជនសង្ស័យ។ រហូតដល់ជនសង្ស័យខលមកប្រាប់មេប៉ុស្តិ៍សុំវាយមនុស្សម្នាក់(តែលោកនាយប៉ុស្តិ៍ព្រះដាក់បានឆ្លើយប្រាប់ហើយណែនាំឲ្យមកប៉ុស្តិ៍ដើម្បីរកដំណោះស្រាយតាមផ្លូវច្បាប់។ តែមិនមករហូតដល់ថ្ងៃទី២៤ ខែកុម្ភៈនេះ ជនសង្ស័យបានយកបំពង់ទីបប្រវែង៨០សង់ទីម៉ែត្រ ដើរតម្រងមករកជនរងគ្រោះដែលកំពុងតែលក់អីវ៉ាន់ចាបហួយនៅផ្ទះ ដោយឃើញដូច្នោះក៏ជនរងគ្រោះខាងលើដើរទៅរកឲ្យគេជួយក្បែរផ្ទះតែស្ទុះយកប៉ែលតែពេលនោះជនសង្ស័យក៏វាយតែម្តងដោយជនរងគ្រោះពុំបានតបតទេ។ គិតតែយកប៉ែលរងដួលប៉ះនិងគល់ឈើត្រូវក្អមបែក ហើយត្រូវពីរបំពង់ទីបចំឆ្អឹងជំនីត្រូវអ្នកលក់នំបញ្ចុកជួយទាន់។
បន្ទាប់ត្រូវបានបងប្អូនដឹកយកទៅសង្គ្រោះនៅមន្ទីរពេទ្យឯកជនខេត្តសៀមរាប។ លោកបញ្ជាក់ថា តាមចម្លើយសារភាពរបស់ជនសង្ស័យខាងលើ ឲ្យដឹងថា ខ្លួនពិតជាបានយកដែកទីបវាយទៅលើជនរងគ្រោះខាងលើពិតប្រាកដ មែនថែមទាំងបោះសំដីថា វាយប៉ុណ្ណឹងអស់ប៉ុន្មាន។ជនសង្ស័យខាងលើ អតីតជាសមាជិកគណបក្សប្រឆាំង(CNRP)។
បច្ចុប្បន្នកម្លាំងនគរបាលជំនាញកំពុងរៀបចំសំណុំរឿងបញ្ជូនមកកាន់តុលាការដើម្បីចាត់ការតាមផ្លូវច្បាប់៕
Source: Kampuchea Thmey Daily
0 Comments