បន្ទាយមានជ័យ ៖ ព្រឹក ថ្ងៃទី១៣ ខែកុម្ភៈ ឆ្នាំ២០៩នេះ លោកឧកញ៉ា ហង្ស ស៊ីផា ប្រធានក្រុម ប្រតិកម្មរហ័សចលនាមហាជន ខេត្តបន្ទាយមានជ័យដឹកនាំក្រុមការងារ សមាជិក សមាជិកា គណបក្សប្រជាជនបានយកស៊ីម៉ងត៍ចំនួន ១០តោននិងថវិកាចំនួន៥លានរៀល ជាអំណោយដ៏ថ្លារបស់លោកនាយឧត្តមសេនីយ៍កែ គឹមយ៉ាន ប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ និង លោកជំទាវម៉ៅ ម៉ាល័យកែគឹមយ៉ាន ប្រធានកិត្តិយស សមាគមនារីកម្ពុជាដើម្បីសន្តិភាពនិងអភិវឌ្ឍន៌ខេត្តបន្ទាយមានជ័យយកទៅប្រគេនព្រះចៅអធិការចំនួនពីវត្ត១វត្តគឺសុធារាមរង្សី ផ្លាស់កង់និងវត្តប្រាសាទភាស ក្នុងឃុំសារង្គស្រុកស្វាយចេកខេត្តបន្ទាយមានជ័យដើម្បីយកទៅកសាងក្នុងវត្តនិងធ្វើការផ្គត់ផ្គង់ដល់ព្រះសង្ឃក្នុងវត្តផងដែរ។
ក្នុងនោះលោកឧកញ៉ា ហង្ស ស៊ីផាបានមានប្រសាសន៍ថា ក្នុងការយកស៊ីម៉ង់១០តោននិងថវិកាចំនួន៥លានរៀន យកទៅប្រគេនចៅអធិការវត្តនោះ គឺជាប្រយោជន៍ក្នុងព្រះពុទ្ធសាសនាដើម្បីបំពេញតំរូវការជាក់ស្តែងរបស់ព្រះសង្ឃតាមទីវត្តអារាមនានា ក៏ដូចជាការរួមចំណែកកសាងទីសេនាសនៈនិងសមិទ្ធផលក្នុងវត្តព្រមទាំងរួមចំណែកលើកកំពស់ការគោរពប្រតិបត្តិព្រះពុទ្ធសាសនាដែលជាសាសនារបស់រដ្ឋឲ្យបានថ្កុំថ្កើងរុងរឿងផងដែរ។
នោះរាជរដ្ឋាភិបាលកម្ពុជា ចាត់ទុកទីវត្តអារាមជាកន្លែងសម្រាប់ទុកឲ្យព្រះសង្ឃគង់នៅនិងសម្រាប់រៀនសូត្រធម៌វិន័យដើម្បីប្រែ ក្លាយទៅជាធនធានមនុស្សដែលជាតិត្រូវការចាំបាច់ផង។
លោកបានបញ្ជាក់ឲ្យដឹងទៀតថា ព្រះពុទ្ធសាសនាជាសាសនារបស់រដ្ឋមានចែងក្នុងច្បាប់រដ្ឋធម្មនុញ្ញក្នុងមាត្រាទី៤៣ ហើយក្នុងនោះកម្ពុជាមានបុណ្យព្រះពុទ្ធសាសនាជាច្រើនសំខាន់ណាស់ក្នុងវិស័យព្រះពុទ្ធសាសនា។ ក្នុងនោះលោកឧកញ៉ា ហង្ស ស៊ីផា បានធ្វើការរំលឹកដល់ព្រះសង្ឃ អាចារ្យ គណៈកម្មការក្នុងវត្តក្រោយពីបានទទួលបច្ច័យពីពុទ្ធបរិស័ទរួចហើយត្រូវយកទៅកសាងក្នុងវត្តឲ្យចំគោលដៅ មិនត្រូវបែកបាក់សាមគ្គីគ្នានៅក្នុងវត្ត មិនត្រូវប្រកាន់បក្សពួកនេះជាដាច់ខាតដើម្បីប្រែក្លាយទីវត្តអារាមជាកន្លែងថ្នាលបណ្តុះបណ្តាលមនុស្សជំនាន់ក្រោយ។លោកឧកញ៉ា ហង្ស ស៊ីផាបញ្ជាក់ឲ្យដឹងទៀតថា ខេត្តបន្ទាយមានជ័យមានការការអភិវឌ្ឍន៍តាំងពីបាតដៃទទេរហូត មានការអភិវឌ្ឍលើគ្រប់វិស័យ ធ្វើល្អប្រសើរដូចសព្វថ្ងៃនេះដោយមានការដឹកនាំរបស់លោកនាយឧត្តមសេនីយ៍កែ គឹមយ៉ាន និងប្រទេសកម្ពុជាមានសន្តិភាព ធានាបានស្ថេរភាពនយោបាយ និងសន្តិសុខ សណ្តាប់ធ្នាប់សង្គមជាតិទាំងមូល ដែលធ្វើឲ្យប្រជាពលរដ្ឋមានសិទ្ធិសេរីភាពពេញលេញដើម្បី លើកកម្ពស់ជីវភាពកាន់តែធូរធារថែមទៀត។
ក្នុងនោះ លោកឧកញ៉ាក៏បានណែនាំដល់ ក្រុមការងារដែលចុះជួយស្រុកស្វាយចេក អាជ្ញាធរមូលដ្ឋាន ត្រូវសហការគ្នាបន្តដោះ ស្រាយរាល់បញ្ហាដែលនៅសេសសល់ឲ្យបានល្អ ដើម្បីធ្វើយ៉ាងណាឲ្យមានតម្លាភាព ក្នុងការផ្តល់សេវាសាធារណៈជូនប្រជាពលរដ្ឋបានទាន់ពេលវេលាផងដែរ៕
Source: Kampuchea Thmey Daily
0 Comments