រង្វាន់ថ្មីជាប្រាក់រៀលចេញភ្លាម មានអ្នកឈ្នះ 40លាន និង 4លាន រៀល ពីក្រវិលកំប៉ុងស្រាបៀរកម្ពុជា ព្រោងព្រាតភ្លែតតែម្តង

កណ្តាល ៖ ថ្មីៗនេះ បន្ទាប់ពីស្រាបៀរកម្ពុជាបានផ្លាស់ប្ដូររូបិយប័ណ្ណរង្វាន់របស់ខ្លួនទៅជាប្រាក់រៀលវិញម្តង ដើម្បីលើកស្ទួយរូបិយប័ណ្ណជាតិ ស្រាប់តែមានអ្នកឈ្នះរង្វាន់ធំ 40លានរៀល 4លានរៀល និង 40ម៉ឺនរៀល ពីក្រវិលកំប៉ុងស្រាបៀរកម្ពុជាព្រោងព្រាតតែម្តងគួរអោយកត់សម្គាល់។

តាមរយៈលោក Michael Sovann (ម៉ៃឃើល សុវណ្ណ) ប្រធានផ្នែករៀបចំកម្មវិធី និង ទំនាក់ទំនងសាធារណៈ របស់ស្រាបៀរកម្ពុជា បានអោយដឹងថា “គ្រាន់តែរយៈពេល2 ថ្ងៃសោះកាលពីចុងសប្តាហ៍កន្លងទៅនេះ មានអ្នកឈ្នះរង្វាន់ប្រាក់ 40លានរៀល រហូតដល់តែ 3 នាក់ឯណោះ នៅតាមបណ្តាលខេត្តផ្សេងៗគ្នា ក្នុងនោះមាននៅខេត្តបាត់ដំបង សៀមរាប និងក្រុងតាខ្មៅក្នុងពេលមកទស្សនាការប្រគំតន្ត្រីស្រាបៀរកម្ពុជា Rock the Nation ហើយក៏មានអ្នកឈ្នះរង្វាន់ 4លានរៀល 2នាក់ បូករួមជាមួយអ្នកឈ្នះរង្វាន់ 40ម៉ឺនរៀល 2នាក់ផ្សេងទៀតផងដែរ។”

លោកបន្តទៀតថា អ្នកដែលឈ្នះរង្វាន់នៅក្រុងតាខ្មៅ ទាំងរង្វាន់តូច និង ធំ យើងបានរៀបចំប្រគល់រង្វាន់អោយពួកគាត់រួចរាល់ហើយនៅលើឆាកប្រគំតន្ត្រីស្រាបៀរកម្ពុជា Rock the Nation កាលពីយប់ម្សិលមិញ រីឯអ្នកនៅខេត្តបាត់ដំបង និង សៀមរាប យើងក៏បានធ្វើការណាត់ជួបប្តូររង្វាន់ជូនពួកគេអោយរួចរាល់ក្នុងសប្តាហ៍នេះដែរ។

លោកក៏ចូលរួមអបអរសាទរអ្នកឈ្នះរង្វាន់ទាំងអស់គ្នា និង ថ្លែងអំណរគុណដល់ការគាំទ្ររបស់ពួកគេចំពោះស្រាបៀរកម្ពុជាកន្លងមក ហើយក៏បានផ្តាំផ្ញើរដល់អតិថិជនស្រាបៀរកម្ពុជាទាំងអស់ សូមពិសាដោយការទទួលខុសត្រូវផងដែរ៕