មនុស្ស​ជិត​៤​ពាន់​នាក់ ​ត្រូវ​ចាប់ខ្លួន​ក្នុង​ដើមឆ្នាំ​២០១៩​ ពាក់ព័ន្ធ​បទល្មើស​គ្រឿងញៀន​

​ភ្នំពេញ ៖ យ៉ាងហោចណាស់​មាន​មនុស្ស​ប្រុស/ស្រី រាប់ទាំង​ជនបរទេស​ចំនួន​ជិត​៤​ពាន់​នាក់ ត្រូវ​បាន​ចាប់ខ្លួន​ពាក់ព័ន្ធ​នឹង​បទល្មើស​គ្រឿងញៀន ​នៅក្នុង​រយៈពេល​ជិត​៣​ខែ​ដំបូង​ នា​ដើមឆ្នាំ​២០១៩​នេះ។​
​
តាមរយៈ​របាយការណ៍​សង្ខេប​របស់​គណៈកម្មការ​ប្រយុទ្ធ​ប្រឆាំង​គ្រឿងញៀន​បាន​បង្ហាញ​ថា ចាប់ពី​ថ្ងៃទី​១ ខែមករា ដល់​ថ្ងៃទី​១៨ ខែ​មិនា ឆ្នាំ​២០១៩ សមត្ថកិច្ច​កម្ពុជា​បាន​បង្ក្រាប​បទល្មើស​គ្រឿងញៀន​សរុប​ចំនួន 1729​ករណី។ ក្នុង​នោះបាន​ចាប់ខ្លួន​មនុស្ស​ចំនួន 3777​នាក់ ស្រី 316​នាក់ ជនបរទេស 104​នាក់ ស្រី 26​នាក់ មាន7​សញ្ជាតិ។​
​
រួមមាន​អំពើ​ជួញដូរ រក្សាទុក កែច្នៃ ចាត់ចែង និង​ដាំ​ដុះ 999​ករណី ឃាត់ 1833​នាក់​(​ស្រី 171​នាក់​)អំពើ​ប្រើប្រាស់​730​ករណី ឃាត់ 1944​នាក់​(​ស្រី145​នាក់​)។​ អនុវត្ត​ដីកាចាប់ខ្លួន 54​ដីកា ឃាត់ខ្លួន​54​នាក់​(​ស្រី 4​នាក់​)។​ រឹបអូស​សារធាតុ​ញៀន​គ្រប់​ប្រភេទ​បាន 73Kg 29,59g និង 664​កញ្ចប់។​ កញ្ឆា​ក្រៀម​ស្មើ 29297​ដើម។​
​
សម្ភារៈ​ចាប់យក​មាន រថយន្ដ 11​គ្រ ម៉ូតូ 280​គ្រ ទូរស័ព្ទ 906​គ្រ ជញ្ជីង 62​គ្រឿង។ ក្នុងនោះ​រួមមាន ៖ ក្នុង​ខែមករា​702​ករណី ឃាត់ខ្លួន​មនុស្ស 1534​នាក់ ស្រី 125​នាក់ (​ជនបរទេស 67​នាក់ ស្រី 16​នាក់ មាន 6​សញ្ជាតិ​) ។​
​
បទល្មើស​ជួញដូរ រក្សាទុក កែច្នៃ ចាត់ចែង និង​ដាំ​ដុះ 384​ករណី ឃាត់ 687​នាក់​(​ស្រី 69​នាក់​) ។​ បទ​ប្រើប្រាស់ 318​ករណី ឃាត់ 847​នាក់​(​ស្រី 56​នាក់​) អនុវត្ដ​​ដីកាចាប់ខ្លួន 25​ដីកា ឃាត់ 25​នាក់​(​ស្រី 2​នាក់​) ៖
-រឹបអូស​សារធាតុ​ញៀន​គ្រប់​ប្រភេទ​= 23Kg 992,04g
-កញ្ឆា​ក្រៀម​= 7634​ដើម​
-សម្ភារៈ​ចាប់យក​មាន រថយន្ដ 6​គ្រឿង ម៉ូតូ 176​គ្រឿង ទូរស័ព្ទ 489​គ្រឿង ជញ្ជីង 39​គ្រឿង។​

​ដោយឡែក​លទ្ធផល​បង្ក្រាប​ប្រចាំខែ​កុម្ភៈ ឆ្នាំ​២០១៩ សរុប​ចំនួន 652​ករណី ចាប់ខ្លួន​មនុស្ស 1531​នាក់ ស្រី 140​នាក់ (​ជនបរទេស 37​នាក់ ស្រី 10​នាក់ មាន​5​សញ្ជាតិ​)។​
​
បទល្មើស​ជួញដូរ រក្សាទុក កែច្នៃ ចាត់ចែង និង​ដាំ​ដុះ 399​ករណី ឃាត់ 749​នាក់​(​ស្រី 67​នាក់​)។​
​បទ​ប្រើប្រាស់ 253​ករណី ឃាត់ 782​នាក់​(​ស្រី 73​នាក់​)។​
​អនុវត្ត​ដីកា​៖ 19​ដីកា ឃាត់ 19​នាក់​(​ស្រី 1​នាក់​)
- រឹបអូស​សារធាតុ​ញៀន​គ្រប់​ប្រភេទ​= 44Kg 635,38g
-កញ្ឆា​ក្រៀម​= 21663​ដើម​
-សម្ភារៈ​ចាប់យក​មាន រថយន្ដ 5​គ្រឿង ម៉ូតូ 104​គ្រឿង ទូរស័ព្ទ 417​គ្រឿង ជញ្ជីង 23​គ្រឿង។​
​
ជាការ​កត់​សម្គាល់ការ​បង្ក្រាប​បទល្មើស​គ្រឿងញៀន​នៅ​ត្រីមាស​ទី​១​ ដើមឆ្នាំ​២០១៩​នេះ គឺ​មានតែ​ករណី​បង្ក្រាប​នៅ​មជ្ឈមណ្ឌល​សំបុក​គ្រឿងញៀន​រ៉ុ​ក​ប៉ុណ្ណោះ ​ដែល​ល្បីល្បាញ​ជាង​ករណី​ណាៗ​ទាំង​អស់ ដោយ​សមត្ថកិច្ច​បាន​ឃាត់ខ្លួន​មនុស្ស​ប្រុស/ស្រី​ចំនួន​៣១២​នាក់ រឹបអូស​សារធាតុ​ញៀន​ជាង​៥០​គីឡូ​ក្រាប ហើយ​មនុស្ស​ចំនួន​១៨​នាក់ ​ត្រូវបាន​តុលាការ​សម្រេច​ឃុំខ្លួន ក្នុង​នោះ​រួមមាន​ ទាំង​ឧកញ៉ា ​គិត ធៀង ដែល​ជា​ម្ចាស់​អាជីវកម្ម​រ៉ុ​ក​ផងដែរ៕



Source: Kampuchea Thmey Daily