ប៉ោយប៉ែត ៖ ជនញៀនថ្នាំញៀនជាស្រីចំនួន៥នាក់ ត្រូវបានសមត្ថកិច្ចលើកទ័ពទៅបង្ក្រាបបានទាន់ពេលវេលា ខណៈដែលពួកគេកំពុងតែសម្ងំលួចជក់ថ្នាំញៀនបែបអនាធិបតេយ្យនៅក្នុងតំបន់មួយជាប់ព្រំដែនកម្ពុជា-ថៃ ពេលនេះសមត្ថកិច្ចកំពុងតែសួរនាំរកមេខ្លោង ហើយបង្កសំណុំរឿងបញ្ជូនទៅតុលាការចាត់ការទៅតាមនីតិវិធីច្បាប់នាពេលខាងមុខនេះ។
ក្នុងហេតុការណ៍បង្ក្រាបក្រុមជក់ថ្នាំញៀននោះ គឺកើតមាននៅវេលាម៉ោង១២និង៣០នាទី ឈានចូលថ្ងៃទី២៣ ខែមីនា ឆ្នាំ២០១៩ ហើយហេតុការណ៍ខាងលើនោះ គឺមាននៅត្រង់ចំណុចម្ដុំ ឡដុតធ្យូង នៅក្នុងភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ហើយនៅក្នុងយុទ្ធនាការបង្ក្រាបគ្រឿងញៀនថ្នាំនោះដែរ គឺបានធ្វើឲ្យបក្សពួករបស់ក្រុមញៀនថ្នាំញៀនមួយចំនួនបានរត់គេចខ្លួនបាត់ដោយសុវត្ថិភាព តែទោះជាយ៉ាងណាក៏ដោយ សមត្ថកិច្ចបានកំណត់មុខសញ្ញាច្បាស់លាស់រួចហើយ គឺមិនអាចគេចផុតពីកណ្ដាប់ដៃរបស់សមត្ថកិច្ចនោះទេ។
លោកធិន ស៊ិនដេត អធិការក្រុងប៉ោយប៉ែតបានឲ្យដឹងថា ក្នុងការបង្ក្រាបករណីគ្រឿងញៀនទាំងយប់នោះ គឺដោយសារតែមានប្រជាពលរដ្ឋល្អ បានមករាយការណ៍ជូនសមត្ថកិច្ច ទាក់ទិននឹងពួកគាត់បានប្រទះឃើញក្រុមគ្រឿងញៀនថ្នាំកំពុងតែប្រមូលកម្លាំងគ្នាលួចសេពថ្នាំញៀននៅកន្លែងកើតហេតុខាងលើនោះ លោកបានបន្តទៀតថា នៅពេលកម្លាំងទៅដល់កន្លែងកើតហេតុយើងបានឃើញ មានក្មេងស្ទាវមួយក្រុម ដែលតែងតែផ្ដុំគ្នាបង្កហិង្សា និងប្រើប្រាស់គ្រឿងញៀន នៅក្នុងខ្ទម ស្ថិតនៅម្ដុំឡធ្យូង ភូមិបាលិលេយ្យ២ សង្កាត់និងក្រុងប៉ោយប៉ែត ខេត្តបន្ទាយមានជ័យ បើតាមសមត្ថកិច្ចបានឲ្យដឹងថា នៅពេលកម្លាំងទៅដល់កន្លែងកើតហេតុ កងកម្លាំងបានធ្វើការឃាត់ខ្លួនមុនសញ្ញាជនសង្ស័យ ប្រើប្រាស់គ្រឿងញៀនចំនួន ០៥ នាក់ និងរត់គេចខ្លួនអស់ចំនួន ០២ នាក់ យប់ងងឹតពេក លោកអធិការរូបនោះបានបន្តទៀតថា ជនសង្ស័យដែលយើងចាប់បានហើយនោះ រួមមានឈ្មោះ ១/មានឈ្មោះ ញឹម រិទ្ធ ភេទ ប្រុស អាយុ ២២ ឆ្នាំ ស្នាក់នៅភូមិ បាលិលេយ្យ២ សង្កាត់និងក្រុងប៉ោយប៉ែត ខេត្តបន្ទាយមានជ័យ មានមុខរបរកម្មករ ២/មានឈ្មោះ លន់ ឃៀន ភេទ ស្រី អាយុ ១៩ ឆ្នាំ ស្នាក់នៅភូមិ បាលិលេយ្យ២ សង្កាត់និងក្រុង ប៉ោយប៉ែត ខេត្ត បន្ទាយមានជ័យមុខរបរ កម្មករ ៣/មានឈ្មោះ យាង សុផា ភេទ ស្រី ១៨ ឆ្នាំ ស្នាក់នៅភូមិ បាលិលេយ្យ២ សង្កាត់និងក្រុង ប៉ោយប៉ែត ខេត្ត បន្ទាយមានជ័យមុខរបរគ្មាន ៤/មានឈ្មោះ ភួន ភី ភេទ ស្រី អាយុ២៣ឆ្នាំ ស្នាក់នៅភូមិ បាលិលេយ្យ២ សង្កាត់និងក្រុង ប៉ោយ ប៉ែត ខេត្តបន្ទាយមានជ័យ ៥/មានឈ្មោះ ជា ស្រីនុត ភេទ ស្រី ១៦ ឆ្នាំ ស្នាក់នៅភូមិ ក្បាលកោះ សង្កាត់និងក្រុង ប៉ោយប៉ែត ខេត្ត បន្ទាយមានជ័យមុខរបរគ្មានសមត្ថកិច្ចបានបន្តថា ក្រោយបានធ្វើការត្រួតពិនិត្យ និងឆែកឆេរ ដកហូតបាន វត្ថុតាងម្សៅក្រាមសថ្លាចំនួន ០៣ កូនថង់តូច ដែកកេះ ០១កាំបិតចំនួន ០៣ ពូថៅ ០១ដើមថងសម្រាប់ច្រកគ្រឿងញៀនមួយចំនួន លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែត បានឲ្យដឹងថា ឥឡូវនេះជនសង្ស័យ កំពុងតែសាកសួរ នៅអធិការដ្ឋាននគរបាលក្រុងប៉ោយប៉ែត និង កសាងសំណុំរឿង បញ្ជូនទៅការិយាល័យ ជំនាញខេត្ត បន្តទៅតាមនីតិវិធីនៃច្បាប់៕
Source: Kampuchea Thmey Daily
0 Comments