ភ្នំពេញ ៖ អនុវត្តតាមបទបញ្ជាដ៏ម៉ឺងម៉ាត់ របស់ លោកជា ពិសី អភិបាល នៃគណៈអភិបាលខណ្ឌឫស្សីកែវ និងជាប្រធានគណៈបញ្ជាការឯកភាពខណ្ឌ កម្លាំងកងរាជអាវុធហត្ថខណ្ឌឫស្សីកែវ ដឹកនាំដោយ លោកវរសេនីយ៍ឯក ទូច ម៉េង មេបញ្ជាការ បានដឹកនាំកម្លាំងចុះបង្ក្រាបជាក់ស្ដែងករណីគ្រឿងញៀនឃាត់ខ្លួនជនសង្ស័យប្រុស ០៣នាក់។
ការបង្ក្រាបនេះ កាលពីវេលាម៉ោង១១និង៥០នាទី ថ្ងៃទី២៣ ខែមីនា ឆ្នាំ២០១៩ នៅចំណុចបន្ទប់ជួលគ្មានលេខ ផ្លូវលំ ក្រុមទី៥ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។
ជនសង្ស័យ មានឈ្មោះ១/ឈ្មោះ សៅ ធា ភេទប្រុស អាយុ៣៤ឆ្នាំ មុខរបរកម្មករសំណង់ ទីលំនៅបច្ចុប្បន្នផ្ទះជួល ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ (ម្ចាស់បន្ទប់)។ ២/ឈ្មោះ កន ពិសិដ្ឋ ភេទប្រុស អាយុ២៩ឆ្នាំ មុខរបរកម្មករ ទីលំនៅបច្ចុប្បន្នភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។ ៣/ឈ្មោះ អ៊ុំ វិបុល ភេទប្រុស អាយុ៤០ឆ្នាំ មុខរបរបើកបរ ទីលំនៅបច្ចុប្បន្នផ្ទះជួល ភូមិលូ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។
សមត្ថកិច្ចឲ្យដឹងថា ក្នុងការបង្ក្រាបនោះ ដកហូត វត្ថុតាងយករួមមាន ម្ស៉ៅក្រាមសថ្លា ០៦ កញ្ចប់ ដបជក់ ០១ថង់ច្រកមួយចំនួន ដែកកេះ ០១ និងទូសព្ទ័ ០៣ គ្រឿង។
រីឯជនសង្ស័យរួមទាំងវត្ថុតាង ត្រូវបានសមត្ថកិច្ច បញ្ជូនទៅកាន់ការិយាល័យគ្រឿងញៀន ទីបញ្ជាការដ្ឋានកងរាជអាវុធហត្ថ រាជធានីភ្នំពេញ អនុវត្តតាមនីតិវិធីបន្ត៕
Source: Kampuchea Thmey Daily
0 Comments