បាត់ដំបង ៖ ជនសង្ស័យម្នាក់ ដែលជាមុខសញ្ញាជួញដូរថ្នាំញៀន ត្រូវបានកម្លាំងសមត្ថកិច្ចឃាត់ខ្លួន រួមជាមួយនឹងវត្ថុតាងមួយចំនួនផងដែរ។
កិច្ចប្រតិបត្តិការនេះ បានធ្វើឡើងកាលពីវេលាម៉ោង៧យប់ ថ្ងៃទី២១ ខែមីនា ឆ្នាំ២០១៩ នៅចំណុចភូមិបឹងរាំង ឃុំធិបតី ស្រុកគាស់ក្រឡ ខេត្តបាត់ដំបង។
នៅក្នុងកិច្ចប្រតិបត្តិការនេះ កម្លាំងបានឃាត់ខ្លួនជនសង្ស័យម្នាក់ ឈ្មោះ អន ភារម្យ ភេទប្រុស អាយុ២៣ឆ្នាំ រស់នៅភូមិ ឆាយបល្លង្គ័ ឃុំធិបតី ស្រុកគាស់ក្រឡ ខេត្តបាត់ដំបង។
សមត្ថកិច្ចបានដកហូតវត្ថុតាងមួយចំនួន គឺ ថ្នាំញៀនប្រភេទម៉ាទឹកកក ចំនួន២២កញ្ចប់តូច និង ១ កញ្ចប់ធំ ទូរស័ព្ទដៃ១គ្រឿង និងសម្ភារៈសម្រាប់ប្រើប្រាស់គ្រឿងញៀនមួយចំនួន។
បច្ចុប្បន្ន ជនសង្ស័យ រួមនឹងវត្ថុតាង ត្រូវបានកម្លាំងជំនាញរៀបចំបញ្ជូនទៅកាន់សាលាដំបូងហើយ ដើម្បីចាត់វិធានការតាមច្បាប់៕
Source: Kampuchea Thmey Daily
0 Comments