ភ្នំពេញ ៖ បុរសបរទេសម្នាក់ ដើរសុខៗ ស្រាប់តែដួលសន្លប់ស្ដូកស្ដឹង មុខសណ្ឋាគារ( ស៊ីធី សិនធឺ ) បង្កការភ្ញាក់ផ្អើល កាលពីវេលាម៉ោង៨និង៣០នាទីព្រឹក ថ្ងៃទី២២ ខែមីនា ឆ្នាំ២០១៩ ស្ថិតនៅចំណុចផ្លូវ១៣០ កែងផ្លូវ១៥ ក្នុងសង្កាត់ផ្សារចាស់ ខណ្ឌដូនពេញ រាជធានីភ្នំពេញ។
ប្រភពព័ត៌មានពីកន្លែងកើតហេតុបានឲ្យដឹងថា បុរសជនបរទេសរូបនោះ មិនត្រូវបានស្គាល់អត្តសញ្ញាណនោះទេ ដែលអាយុប្រហែលជាង៤០ឆ្នាំ មិនដឹងថា ជនជាតិជប៉ុន ឬកូរ៉េ នោះទេ បានដើរតាមបណ្ដោយផ្លូវ១៣០ ពីកើតទៅលិច ដោយមានស្ពាយកាបូប និងដៃកាន់កែវទឹក ក្នុងនោះមានកូនត្រីក្រឹម៣ទៅ៤ត្រី លុះមកដល់ចំណុចកើតហេតុក៏សុំខាងសណ្ឋាគារ( ស៊ីធី សិនធឺ )ដើម្បីចូលបន្ទប់ទឹក មិនទាន់បានចូលផង ក៏ស្រាប់តែដួលសន្លប់ស្ដូកស្ដឹងតែម្ដង។
ភ្លាមៗនោះ បងប្អូនប្រជាពលរដ្ឋ និងសមត្ថកិច្ចដែលនៅកន្លែងកើតហេតុ បាននាំគ្នាលើកជនរងគ្រោះមកខាងក្រៅ ដើម្បីសង្គ្រោះបឋម យកប្រេងខ្យល់រឹត និងញីក្បាល នៅតែមិនដឹងខ្លួន ក៏សមត្ថកិច្ចមូលដ្ឋានបានទាក់ទងទៅខាងរថយន្តសង្គ្រោះរបស់មន្ទីរពេទ្យកាល់ម៉ែត ឲ្យមកយកជនរងគ្រោះទៅសង្គ្រោះក្នុងពេលនោះផងដែរ៕
Source: Kampuchea Thmey Daily
0 Comments