សៀមរាប ៖ សមត្ថកិច្ចបានឲ្យដឹងថា ពលរដ្ឋម្នាក់ជិះម៉ូតូឆ្លងផ្លូវដោយមិនប្រុងប្រយ័ត្នត្រូវបានរថយន្តក្រុងក្រុមហ៊ុនR.S រស្មីសៀមរាប បុកពេញទំហឹងបានឲ្យស្លាប់ម្នាក់នៅនឹងកន្លែង។
ហេតុការណ៍នេះកើតឡើងនៅវេលាម៉ោង១៤និង០៥នាទី ថ្ងៃទី១៩ ខែមីនា ឆ្នាំ២០១៩ ក្នុងភូមិអង្គ្រងឃុំកន្ទ្រាំង ស្រុកប្រាសាទបាគង លើកំណាតផ្លូវជាតិលេខ៦។
លោកវរសេនីយ៍ឯក មិន ចន្ថា អធិការនគរបាលស្រុកប្រាសាទបាគង បានឲ្យដឹងថា មានម៉ូតូមួយគ្រឿងម៉ាកហុងដា ស៊េរី០១៩ ពណ៌ខ្មៅ ស្លាកលេខគ្មានបើកបរដោយឈ្មោះម៉ោង ម៉ានភេទប្រុស អាយុ៣២ឆ្នាំ នៅភូមិពាក់ស្គរ ឃុំខ្នារពោធិ៍ ស្រុកសូទ្រនិគម។ ករណីនេះគឺបើកបរឆ្លងផ្លូវពីត្បូងទៅជើងប៉ះទង្គិចនិងរថយន្តក្រុងក្រុមហ៊ុនR.S រស្មីសៀមរាប ម៉ាកហ៊ីយ៉ានដាយ ពណ៌សពាក់ស្លាកលេខសៀមរាប 2A-0949 បើកបរដោយឈ្មោះមិនស្គាល់បើកបរមានទិសដៅពីកើតលិចបណ្តាលឲ្យស្លាប់មនុស្សម្នាក់អ្នកបើកបរម៉ូតូខូចខាតម៉ូតូ១គ្រឿងខូចធ្ងន់,រថយន្ត១គ្រឿងស្រាល។
លោកបន្ថែមថា មូលហេតុម៉ូតូបើកបរឆ្លងផ្លូវខ្វះការប្រុងប្រយ័ត្ន។ បច្ចុប្បន្នវត្ថុតាងត្រូវបាននគរបាលជំនាញអូសយកមករក្សាទុកនៅអធិការដ្ឋានស្រុក។ រីឯសពបានប្រគល់ឲ្យបងប្អូនចាត់ចែងធ្វើបុណ្យតាមប្រពៃណី៕
Source: Kampuchea Thmey Daily
0 Comments