ព្រះសីហនុ ៖ កាលពីថ្ងៃទី0៨ ខែមេសា ឆ្នាំ២០១៩ វេលាម៉ោង០០និង៤០នាទីយប់ នៅចំណុចមុខសណ្ឋាគារស៊ីហ៊ូរ ស្ថិតនៅក្រុមទី១ ភូមិ១ សង្កាត់លេខ៣ ក្រុងព្រះសីហនុ មានករណីឆក់កាបូបមួយកើតឡើងបង្កឡើងដោយជនសង្ស័យចំនួន២នាក់ ជាជនជាតិចិន ធ្វើដំណើរដោយថ្មើរជើង បានធ្វើសកម្មភាពឆក់កាបូប ពីជនរងគ្រោះម្នាក់កំពុងដើរតាមផ្លូវ ហើយរត់គេចខ្លួន តែត្រូវសមត្ថកិច្ចល្បាតដេញចាប់បានទាំង២នាក់ភ្លាមៗ។
ជនសង្ស័យទាំង២នាក់ដែលត្រូវចាប់ខ្លួនទី១-ឈ្មោះ YANG LIE ភេទប្រុស អាយុ២០ឆ្នាំ មុខរបរទេសចរណ៍ ស្នាក់នៅក្រុមទី៥ ភូមិ១ សង្កាត់លេខ៣ ក្រុងព្រះសីហនុ។ ទី២-ឈ្មោះ XIE JIAN ភេទប្រុសអាយុ២០ឆ្នាំ មុខរបរទេសចរណ៍ ស្នាក់នៅក្រុមទី៥ ភូមិ១ សង្កាត់លេខ៣ ក្រុងព្រះសីហនុ។
ចំពោះវត្ថុតាងចាប់យកបាន ៖
-ទូរស័ព្ទដៃចំនួន២គ្រឿង
-លុយដុល្លារចំនួន១៣០ដុល្លារ
-លុយខ្មែរ ៨០,០០០ម៉ឺនរៀល
-កាំបិត២ដើម
ចំពោះជនរងគ្រោះ សមត្ថកិច្ចនៅ មិនស្គាល់ឈ្មោះ និងអត្តសញ្ញាណនៅឡើយ ដោយសារជនរងគ្រោះមិនទាន់បានមកដាក់ពាក់បណ្ដឹង។
ករណីនេះកម្លាំងជំនាញការិយាល័យនគរបាលព្រហ្មទណ្ឌកម្រិតស្រាល ក្រុងព្រះសីហនុកំពុងបន្តតាមនីតិវិធី ដើម្បីនាំយកជនដៃដល់ប្រគល់ឲ្យតុលាការសម្រេចតាមច្បាប់៕
Source: Kampuchea Thmey Daily
0 Comments