ក្រសួងការបរទេស និងសហប្រតិបត្តិការអន្តរជាតិកម្ពុជា រៀបចំពិធីសូត្រមន្តលើករាសី ក្នុងឱកាសឆ្នាំថ្មី

Cambodia News April 12, 2019

ភ្នំពេញ ៖ នៅវេលាម៉ោង៨និង៣០នាទីព្រឹក ថ្ងៃទី១២ ខែមេសា ឆ្នាំ២០១៩នេះ ក្រសួងការបរទេស និងសហប្រតិបត្តិការអន្តរជាតិកម្ពុជា បានរៀបចំរៀបចំពិធីសូត្រមន្តលើករាសី ក្នុងឱកាសឆ្នាំថ្មី ដែលពិធីនៅរៀបចំនៅទីស្ដីការក្រសួង ក្រោមអធិបតីភាពឯកឧត្ដមឧបនាយករដ្ឋមន្ត្រី ប្រាក់ សុខុន ក្រសួងការបរទេស និងសហប្រតិបត្តិការអន្តរជាតិកម្ពុជា ដោយមានការចូលរួមពីមន្ត្រីរាជការយ៉ាងច្រើន។

នៅក្នុងឱកាសនោះដែរ ឯកឧត្ដមឧបនាយករដ្ឋមន្ត្រី ប្រាក់ សុខុន បានបួងសួងដល់គុណបុណ្យព្រះរតនត្រ័យកែវទាំងបី វត្ថុសក្ដិសិទ្ធិទាំងឡាយក្នុងលោក ទេវតារក្សាព្រះមហាស្វេតច្ឆ័ត្រ និងទេវតាថែរក្សាទឹកដីព្រះរាជាណាចក្រកម្ពុជា ព្រមទាំងទេវតាឆ្នាំថ្មី ឆ្នាំកុរ ព្រះនាមធុង្ស:ទេវី តាមជួយអភិបាល ប្រោះព្រំសាធុការពរជ័យគ្រប់ប្រការថ្វាយព្រះករុណា ព្រះបាទសម្ដេច នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា, សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា, សម្ដេចអគ្គមហាពញាចក្រី ហេង សំរិន ប្រធានរដ្ឋសភា ព្រមទាំងថ្នាក់ដឹកនាំ នៃរាជរដ្ឋាភិបាល និងមន្ត្រីរាជការទាំងអស់ បានប្រកបដោយព្រះពុទ្ធពរទាំង៤ប្រការ និងទទួលបាននូវសិរីសួស្ដី ជ័យមង្គល អាយុយឺនយូរ សុខភាពល្អបរិបូរណ៍ កម្លាំងមាំមួន សេចក្តីសុខចំរើន និងសុភមង្គលគ្រប់ការ កុំបីឃ្លាតឡើយ៕