ណាហ្គា​វើ​លដ៍ ឈ្នះ​ពានរង្វាន់​ការងារ​សង្គម​សកល​លើក​ទី​ពីរ​

ភ្នំពេញ​៖ ណាហ្គា​វើ​លដ៍ បានឈ្នះ​ពានរង្វាន់ “​ឧត្តមភាព​ការងារ​សង្គម​ល្អ​បំផុត​តំណាង​ប្រទេស​កម្ពុជា​” ពីរ​ឆ្នាំ​ជាប់​គ្នា​នៅក្នុង “​សន្និបាត និង​ពិធី​ប្រគល់​ពានរង្វាន់​ការងារ​សង្គម​សកល​ប្រចាំឆ្នាំ​លើក​ទី​១១ ឆ្នាំ​២០១៩” ដែលជា​ពិធី​ប្រគល់​ពានរង្វាន់​ការងារ​សង្គម​បំផុត​មួយ​ប្រចាំ​ទ្វីបអាស៊ី​នៅក្នុង​ទីក្រុង Sarawak ប្រទេស​ម៉ាឡេស៊ី​កាលពីពេល​ថ្មីៗ​នេះ​។

ពានរង្វាន់​ការងារ​សង្គម​សកល​នេះ ទទួលស្គាល់​កម្មវិធី​ការងារ​សង្គម​គំរូ​របស់​បណ្តា​ក្រុមហ៊ុន​ណា​ដែលមាន​ការប្រតិបត្តិ​ធុរកិច្ច​របស់ខ្លួន​ដោយ​ទំនួល​ខុសត្រូវ​ប្រកបដោយ​វិជ្ជាជីវៈ​ខ្ពស់ និង​យកចិត្តទុកដាក់​ទៅលើ​ប្រជាជន សហគមន៍ និង​បរិស្ថាន​។

រៀបចំ​ដោយ Pinnacle Group International ពានរង្វាន់​នេះ​បាន​ក្លាយជា​ស្តង់ដារ​រួមមួយ​ក្នុង​សហគមន៍​នៃ​ក្រុមការងារ​សង្គម​ទាំងអស់​។ មានតែ​ក្រុមហ៊ុន​មួយចំនួន​នៅក្នុង​តំបន់​ប៉ុណ្ណោះ​ដែល​ទទួលបាន​ពានរង្វាន់​ប្រចាំឆ្នាំ​២០១៩ នេះ​ដែលមាន​ប្រភេទ​ពានរង្វាន់​រាប់រយ​ផ្សេងៗ​គ្នា​។ ពានរង្វាន់​នេះ ត្រូវបាន​ប្រគល់​ដោយ YB Dato’ Sri Hajjah Fatimah Abdullah ដែលជា​រដ្ឋមន្ត្រីក្រសួង​អភិវឌ្ឍ​សុខុមាលភាព​សហគមន៍ ស្ត្រី គ្រួសារ និង​កុមារ​នៃ​ទីក្រុង Sarawak ។
​ណាហ្គា​វើ​លដ៍ បានទទួល​ពានរង្វាន់​នេះ​ដោយសារ​ខ្លួន​បាន​អនុវត្ត​កម្មវិធី​ការងារ​សង្គម​ដោយ​ផ្អែកទៅលើ​យុទ្ធសាស្ត្រ​ស្នូល​របស់​ក្រុមហ៊ុន និង​បាន​ចូលរួម​អភិវឌ្ឍ​សេដ្ឋកិច្ច និង​កសាង​ប្រទេស​កម្ពុជា​ក្នុងពេល​តែមួយ​។

នាយក​គ្រប់គ្រង​ណាហ្គា​វើ​លដ៍ លោក Pern Chen បាន​មានប្រសាសន៍ថា “​យើង​មាន​កិត្តិយស​យ៉ាងខ្លាំង​ដែល​ទទួលបាន​ពានរង្វាន់​ដ៏​សំខាន់​នេះដែ​លសរ​បញ្ជាក់​ឲ្យ​ឃើញ​ពី​ស្នាដៃ​ឆ្នើម​មួយទៀត​របស់​ណាហ្គា​វើ​លដ៍​ក្នុងការ​អភិវឌ្ឍ​ការងារ​សង្គម​ក្នុងប្រទេស​កម្ពុជា​។ ចាប់តាំងពី​ណាហ្គា​វើ​លដ៍​ត្រូវបាន​បង្កើតឡើង​ក្នុង​ឆ្នាំ​១៩៩៥ មក យើង​បាន​បញ្ចូល​ការងារ​ទំនួល​ខុសត្រូវ​ក្នុងសង្គម​នេះ​ជា​ផ្នែក​មួយ​នៃ​យុទ្ធសាស្ត្រ​ធុរកិច្ច​ប្រកបដោយ​និរន្តរភាព​របស់​យើង​ដែល​យើង​យកចិត្តទុកដាក់​ទៅលើ​សហគមន៍ បុគ្គលិក ម្ចាស់​ភាគហ៊ុន និង​ប្រទេស​កម្ពុជា​ទាំងមូល​”​។

លោក​បាន​បន្តថា​“​យើង​ក៏មាន​សេចក្តីសោមនស្ស​រីករាយ​ផងដែរ​ក្នុងការ​ចែករំលែក​ស្នាដៃ​នេះ​ជាមួយ​បុគ្គលិក​របស់​យើង​ដែល​បាន​ស្ម័គ្រចិត្ត និង​ចូលរួម​យ៉ាងសកម្ម​ជាមួយ ‘​ក្រុមការងារ​សង្គម​ណា​ហ្គា​វើ​លដ៍​បេះដូង​សប្បុរស​’ ដែល​ត្រូវបាន​បង្កើតឡើង​ក្នុង​ឆ្នាំ​២០១៤​។ មកដល់​បច្ចុប្បន្ន មាន​ប្រជាជន​កម្ពុជា​ប្រមាណ ២០០.០០០ នាក់​បានទទួល​ផលប្រយោជន៍​ពី​គំនិត​ផ្តួចផ្តើម​ការងារ​សង្គមរ​បស់​យើង​ដែល​ផ្តោតទៅលើ​សសរស្ដម្ភ ៤ គឺ​ការលើកកម្ពស់​វិស័យ​អប់រំ ការផ្សារភ្ជាប់​ជាមួយ​សហគមន៍ ការអភិវឌ្ឍ​វិស័យ​កីឡា និង​ការ​គាំពារ​បរិស្ថាន​”​។

លោក Pern Chen ក៏បាន​បន្ថែម​ផងដែរ​ថា “​សកម្មភាព​ការងារ​សង្គម​ថ្មីៗ​របស់​យើង រួមមាន កា​ឧ​ប ត្ថ​ម្ស​ម្ភា​រ​សិក្សា និង​ថ្លៃ​សិក្សា​ដល់​សិស្ស ការដាំ​កូនឈើ ការផ្តល់​សិក្ខាសាលា​ស្តីពី​ការអភិរក្ស​បរិស្ថាន ការលើក​ក​ម្ព ស់ការ​យល់ដឹង​ស្តីពី​បរិស្ថាន​តាមរយៈ​យុទ្ធសាស្ត្រ ៣R (​កាត់បន្ថយ ប្រើប្រាស់​ឡើងវិញ និង​កែច្នៃ​ឡើងវិញ​) ការផ្តល់​ការបណ្តុះបណ្តាល​អំពី​សុវត្ថិភាព​អគ្គីភ័យ ការឧបត្ថម្ភ​បំពង់​ពន្លត់អគ្គីភ័យ​ដល់​សាលារៀន ការលើកទឹកចិត្ត​ដល់​យុវជន​តាមរយៈ​ក្លឹប​បាល់ទាត់​ណាហ្គា​វើ​លដ៍ និង​ការអភិវឌ្ឍ​កីឡា​ជាតិ​តាមរយៈ​ការសហការ​ជាមួយ​គណៈកម្មាធិការ​ជាតិ​អូឡាំពិក​កម្ពុជា​”​។​

ក្នុង​ឆ្នាំ​២០១៨ ក្រុមការងារ​សង្គម​ណា​ហ្គា​វើ​លដ៍​បេះដូង​សប្បុរស​បាន​អនុវត្ត​យុទ្ធនាការ​ចំនួន ២៣​។ ក្រោម​សសរស្តម្ភ​ការលើកកម្ពស់​វិស័យ​អប់រំ ណាហ្គា​វើ​លដ៍​បាន​ជួយ​សិស្សានុសិស្ស ១៤.២០៩ នាក់​នៅតាម​សាលារៀន​ជាង ៤០ ទូទាំងប្រទេស​កម្ពុជា​។ ក្រោម​សសរស្តម្ភ​ការផ្សារភ្ជាប់​ជាមួយ​សហគមន៍ ណាហ្គា​វើ​លដ៍​បាន​ជួយ​ប្រជាពលរដ្ឋ​ដែល​ជួប​ការលំបាក ១៧.៩៤០ នាក់ ខណៈ​ក្រោម​សសរស្តម្ភ​ការអភិវឌ្ឍ​វិស័យ​កីឡា យើង​បាន​បណ្តុះបណ្តាល​បច្ចេកទេស​បង្ហាត់កីឡា​បាល់ទាត់​អាជីព​ដល់​គ្រូ​កីឡា ១២០ នាក់​ដែល​ផ្តល់​ដោយ​ក្លឹប​បាល់ទាត់​ណាហ្គា​វើ​លដ៍​ដោយ​ប្រើ​មេរៀន​ដែល​អភិវឌ្ឍ​ដោយ​សហព័ន្ធ​កីឡាបាល់ទាត់​កម្ពុជា និង​បានផ្តល់​ផលប្រយោជន៍​ដល់​សិស្សានុសិស្ស​ជាង ១៨.៥០០ នាក់។

ចំណែក​នៅក្រោម​សសរស្តម្ភ​ការ​គាំពារ​បរិស្ថាន​វិញ ណាហ្គា​វើ​លដ៍​បាន​ជួយ​សន្សំ​ថាមពល​អគ្គិសនី ៦១០ គីឡូវ៉ាត់ម៉ោង​ក្នុង​ទិវា​មួយ​ម៉ោង​សម្រាប់​ភពផែនដី និង​បាន​ជួយ​សម្អាត​រាជធានី​ភ្នំពេញ​ជាមួយ​បុគ្គលិក​ស្ម័គ្រចិត្ត​នៃ​ក្រុមការងារ​សង្គម​ណាហ្គា​វើ​លដ៍​បេះដូង​សប្បុរស​ដោយ​ប្រមូល​សំរាម​បាន ៤១៨ គីឡូក្រាម​នៅតាម​ដងផ្លូវ។ មិនតែប៉ុណ្ណោះ ណាហ្គា​វើ​លដ៍​ក៏បាន​កែច្នៃ​សាប៊ូដុំ​ដើម្បី​ប្រើប្រាស់​ឡើងវិញ​ចំនួន ៤៤៣ គីឡូក្រាម និង​បាន​ដាំ​កូនឈើ​ប្រមាណ ១.០០០ ដើម​សម្រាប់​ប្រទេស​កម្ពុជា​កាន់តែ​មាន​ភាព​បៃតង​ថែម​ទៀតផង​៕

​

Source: Kampuchea Thmey Daily