ឧត្តរមានជ័យ ៖ នៅវេលាម៉ោង១៣និង៥០នាទី ថ្ងៃទី០៤ ខែឧសភា ឆ្នាំ២០១៩ អាជ្ញាធរថៃបានបញ្ជូនប្រជាពលរដ្ឋខ្មែរចំនួន២នាក់ តាមច្រកអន្តរជាតិជាំ ស្ថិតនៅក្នុងភូមិជាំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ។
ប្រជាពលរដ្ឋខ្មែរចំនួន២នាក់ ដែលត្រូវបានបញ្ជូនមកមានឈ្មោះដូចខាងក្រោម ៖
១.ឈ្មោះ ហ៊ីង ម៉ៅ ភេទប្រុស អាយុ១៥ឆ្នាំ រស់នៅភូមិតេជោ បុស្បូវ ឃុំស្រអែម ស្រុកជាំក្សាន្ត ខេត្តព្រះវិហារ។ សមត្ថកិច្ចថៃចាប់ខ្លួនថ្ងៃទី០៤.០២.២០១៩ ចូលតាមច្រកបុស្បូវ ពីបទឆ្លងដែនដាក់អន្ទាក់សត្វខុសច្បាប់ ជាប់គុកនៅស៊ីសាគេត ប្រទេសថៃ។
២.ឈ្មោះ វន រ័ត្ននី ភេទប្រុស អាយុ១៦ឆ្នាំ រស់នៅភូមិចារ ឃុំកន្ទួត ស្រុកជាំក្សាន្ត ខេត្តព្រះវិហារ។
ចាប់ខ្លួនថ្ងៃទី០៨.០៣.២០១៩ ចូលតាមច្រកតាសឹម ពីបទឆ្លងដែនកាប់ឈើគ្រញូងខុសច្បាប់ ជាប់គុកនៅខេត្តស៊ីសាគេត ប្រទេសថៃ។
បច្ចុប្បន្ន ពលរដ្ឋ២នាក់ខាងលើ ត្រូវបានសមត្ថកិច្ចនៅមាត់ច្រកអន្តរជាតិជាំ ឲ្យវិលទៅលំនៅដ្ឋានវិញ៕
Source: Kampuchea Thmey Daily
0 Comments