ឧត្តរមានជ័យ ៖ មានករណី អត្តឃាត (ចង.ក សម្លាប់ខ្លួន) កាលពីវេលាម៉ោង០៧និង០០នាទី ថ្ងៃទី០៧ ខែឧសភា ឆ្នាំ២០១៩ នៅចំណុចភូមិឈូក សង្កាត់សំរោង ក្រុងសំរោង ខេត្តឧត្តរមានជ័យ។
សមត្ថកិច្ចបានឲ្យដឹងថា សាកសពជនរងគ្រោះមាន ឈ្មោះ អែម ព្រៀម ភេទប្រុស អាយុ២៦ឆ្នាំ មានទីលំនៅភូមិជើងលិច សង្កាត់កូនក្រៀល ក្រុងសំរោង មុខរបរកម្មករសំណង់។
ក្រោយពីសមត្ថកិច្ចទទួលបានព័ត៌មាន កម្លាំងជំនាញនគរបាលក្រុងសំរោង បានសហការជាមួយ កម្លាំងជំនាញការិយាល័យបច្ចេកទេស និងគ្រូពេទ្យ ចុះដល់កន្លែងកើតហេតុ ធ្វើការត្រួតពិនិត្យសាកសព រួចរាល់។
បើតាមការសន្និដ្ឋានបានឲ្យដឹងថា សាកសពស្លាប់ដោយសារចង.ក ធ្វើអត្តឃាតពិតប្រាកដមែន ដោយសារមានវិបត្តិផ្លូវចិត្ត។
បច្ចុប្បន្ន សាកសព ក្រោយពីត្រួតពិនិត្យរួច ត្រូវបានសមត្ថកិច្ចជំនាញប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី៕
Source: Kampuchea Thmey Daily
0 Comments