មនុស្ស​យ៉ាងតិច​៩​នាក់​បាន​ស្លាប់​នៅពេល​ព្យុះ​ស៊ីក្លូន​ដ៏​សាហាវ​ចូលដល់​ប្រទេស​បង់​ក្លា​ដែ​ស​

ព្យុះ​ស៊ីក្លូន Fani ដែលជា​ព្យុះ​មួយ​ក្នុងចំណោម​ព្យុះ​ធំ​បំផុត​ដែល​វាយប្រហារ​ប្រទេស​ឥណ្ឌា​ក្នុង​រយៈពេល​ជាច្រើន​ឆ្នាំ​មកនេះ​បាន​រំកិល​ខ្លួន​ចូលទៅក្នុង​ប្រទេស​បង់​ក្លា​ដែ​ស​នៅ​ថ្ងៃ​សៅរ៍​បន្ទាប់ពី​បាន​បណ្តាល​ឲ្យ​មានការ​បំផ្លិចបំផ្លាញ​ក្នុងប្រទេស​ឥណ្ឌា​។​

មនុស្ស​ចំនួន​៨​នាក់​ត្រូវបាន​គេ​រាយការណ៍​ថា​ស្លាប់​នៅក្នុង​ប្រទេស​ឥណ្ឌា​ហើយ​ប៉ូលិស​បង់​ក្លា​ដែ​សបាន​និយាយថា មនុស្ស​ចំនួន​៩​នាក់​បាន​ស្លាប់​មុនពេល​ព្យុះ​នេះ​វាយប្រហារ​ព្រំប្រទល់​។​
​មន្ត្រី​បង់​ក្លា​ដែ​សបាន​ប្រាប់ AFP ថា មនុស្ស​ប្រហែល​៤០០,០០០​នាក់​ត្រូវបាន​គេ​នាំទៅ​ទីជម្រក​។​
​ភូមិ​ចំនួន​១៤​ត្រូវបាន​ជន់​លិច​ដោយសារ​ការ​ធ្លាយ​ទំនប់​។
​
ព្យុះ​បាន​ចុះខ្សោយ​ប៉ុន្តែ​នៅតែមាន​ខ្យល់​បក់​ក្នុង​ល្បឿន​រហូតដល់​៧០​គីឡូម៉ែត្រ​ក្នុង​មួយ​ម៉ោង​ហើយ​ភ្លៀង​ធ្លាក់​ខ្លាំង​បាន​វាយប្រហារ​ពេញ​មួយ​យប់​។​
​
មនុស្ស​រាប់ពាន់នាក់​ត្រូវបាន​គេ​ប្រាប់​ឲ្យ​ជម្លៀស​ទៅកាន់​តំបន់ឆ្នេរ​នៃ​រដ្ឋ West Bengal មុន​ការមកដល់​របស់​ព្យុះ Fani​។ មនុស្ស​ចំនួន​៥,០០០​នាក់​បាន​ចាក​ចេញពី​តំបន់​ទំនាប​និង​ទីក្រុង Kolkata ដែលមាន​ប្រជាជន​៤.៦​លាន​នាក់​។​
​
អភិបាលក្រុង Kolkata លោក Firhad Hakim បាន​និយាយថា “​មនុស្ស​ជិត​១២​នាក់​ត្រូវបាន​ជាប់​
នៅពេលដែល​អគារ​ចាស់​មួយ​នៅ​ភាគ​ខាងជើង​ទីក្រុង​នេះ​បាន​ដួលរលំ​។ ពួកគេ​ត្រូវបាន​ជួយសង្គ្រោះ​និង​បញ្ជូនទៅ​កន្លែង​ដែលមាន​សុវត្ថិភាព​”​។​
​ព្រលានយន្តហោះ​អន្តរជាតិ​ក្រុង Kolkata ត្រូវបាន​បញ្ជា​ឲ្យ​បិទ​។ សេវា​រថភ្លើង​ក៏ត្រូវ​បញ្ឈប់​ផងដែរ​។​
​
កន្លែង​រង​ការវាយប្រហារ​អាក្រក់​បំ​ផុត​គឺ​រដ្ឋ Odisha ដែល​នៅ​ទីនោះ​ព្យុះ Fani បាន​បង្ក​ឲ្យ​មានការ​បាក់​ដី​កាលពី​ថ្ងៃ​សុក្រ​។​

ទីភ្នាក់ងារ​ព័ត៌មាន Trust of India (PTI) បាន​រាយការណ៍​ថា មនុស្ស​ចំនួន​៨​នាក់​បាន​ស្លាប់​នៅ​រដ្ឋ Odisha៕ AFP

​

Source: Kampuchea Thmey Daily