ភ្នំពេញ ៖ គណៈកម្មាធិការអចិន្ត្រៃយ៍រដ្ឋសភាដឹកនាំដោយសម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា ព្រឹកថ្ងៃទី៣ ខែឧសភានេះ បានអញ្ជើញគោរពវិញ្ញាណក្ខន្ធសព លោកឡេ ឌឹកអាញ់ អតីតប្រធានរដ្ឋនៃសាធារណរដ្ឋសង្គមនិយមវៀតណាម នៅស្ថានទូតវៀតណាមប្រចាំនៅកម្ពុជា។
ក្នុងនាមរដ្ឋសភានៃព្រះរាជាណាចក្រកម្ពុជា និងក្នុងនាមសម្តេចផ្ទាល់សម្តេចអគ្គមហាពញាចក្រី ហេង សំរិន សូមសម្តែងនូវសមានទុក្ខដ៏សែនក្រៀមក្រំបំផុត ជាមួយបក្សរដ្ឋនិងប្រជាជនវៀតណាម ព្រមទាំងក្រុមគ្រួសារចំពោះមរណភាពឯកឧត្តម ឡេ ឌឹកអាញ់ អតីតប្រធានរដ្ឋ នៃសាធារណរដ្ឋសង្គមនិយមវៀតណាម កាលពីយប់ថ្ងៃទី២២ ខែមេសា ឆ្នាំ២០១៩ ដែលជាការបាត់បង់ថ្នាក់ដឹកនាំដ៏ឆ្នើមរបស់ប្រជាជនវៀតណាម។
លោក ឡេ ឌឹកអាញ់ គឺជាមិត្តដ៏ជិតស្និទ្ធរបស់កម្ពុជា ដែលបានរួមចំណែកដ៏ធំធេងជួយរំដោះប្រជាជនកម្ពុជាពីរបបប្រល័យពូជសាសន៍ ប៉ុល ពត ជួយស្តារនិងកសាងអភិវឌ្ឍន៍ប្រទេសកម្ពុជាឡើងវិញ។
សម្តេចសូមឧទ្ទិសជូនវិញ្ញាណក្ខន្ធលោក ឡេ ឌឹកអាញ់ បានទៅសោយសុខក្នុងឋានសុគតិភពកុំបីឃ្លៀងឃ្លាតឡើយ៕
Source: Kampuchea Thmey Daily
0 Comments