ឧត្តរមានជ័យ ៖ នៅថ្ងៃទី០៣ ខែឧសភា ឆ្នាំ២០១៩ វេលាម៉ោង១៦និង៣០នាទីល្ងាច អាជ្ញាធរថៃ បានបញ្ជូនប្រជាពលរដ្ឋខ្មែរចំនួន០១នាក់ តាមច្រកអន្តរជាតិជាំ ស្ថិតនៅក្នុងភូមិជាំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ ដែលមានឈ្មោះ ចាន់ ឃៀ ភេទប្រុស អាយុ៣០ឆ្នាំ រស់នៅភូមិ១០៥ ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ។
សមត្ថកិច្ចថៃចាប់ខ្លួនថ្ងៃទី០៨ ខែឧសភា ឆ្នាំ២០១៧ ពីបទឆ្លងដែនកាប់ឈើគ្រញូងខុសច្បាប់ ជាប់គុកនៅខេត្តស៊ីសាកេត ប្រទេសថៃ ចូលតាមច្រកអូរស្វាយ ភូមិសាស្ត្រខ្មែរភូមិ/ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ ទល់ភូមិសាស្ត្រថៃភូមិឃុំស្ទឹងចាន់ ស្រុកឃុនហាន ខេត្តស៊ីសាកេត។
បច្ចុប្បន្ន ក្រោយពីការអប់រំរួច សមត្ថកិច្ចនៅមាត់ច្រកជាំបានឲ្យវិលទៅលំនៅដ្ឋានវិញ៕
Source: Kampuchea Thmey Daily
0 Comments