គ្រោះថ្នាក់​ចរាចរណ៍​ រវាង​រថយន្ត ​និង​រថយន្ត​ ស្លាប់​២​ របួស​២​នាក់​

​កំពង់ចាម ៖ គ្រោះថ្នាក់​ចរាចរណ៍​រវាង​រថយន្ត​ និង​រថយន្ត​ នៅវេលា​ម៉ោង​1​និង​30​នាទី​រំលង​អធ្រាត្រ​ឈាន​ចូល​ថ្ងៃ​ទ​07​ ខែ​ឧសភា ឆ្នាំ​2019 នៅ​លើ​ផ្លូវ​ជាតិ​លេខ​6​ ចន្លោះ​គីឡូម៉ែត្រ​លេខ​70-71​ នៅ​ចំណុច​ខាង​លិច​រោងចក្រ​វ៉ា​ឡុង​ ស្ថិតនៅ​ភូមិ​ឈើទាល ឃុំ​ផ្តៅ​ជុំ ស្រុក​ជើងព្រៃ​ ខេត្ត​កំពង់ចាម​ បាន​បណ្តាល​ឲ្យ​មនុស្ស​២​នាក់ ​ស្លាប់​នៅ​កន្លែងកើតហេតុ​ និង​មនុស្ស​២​នាក់​ទៀត​រងរបួស​។​

លោក​ប្រាក់ សុ​គុណ អធិការ​នគរបាល​ស្រុក​ជើងព្រៃ​បាន​ឲ្យ​ដឹង​ថា គ្រោះថ្នាក់​ចរាចរណ៍​នេះ កើត​ឡើង​រវាង​រថយន្ត​ម៉ាក​សាំ​យ៉ុង ​ពាក់​ស្លាក​លេខ​ភ្នំពេញ​2AB.2463​អ្នក បើកបរ​មិន​ស្គាល់​អត្តសញ្ញាណ​បើក​ពី​លិចទៅ​កើត​ បុក​រថយន្ត​ម៉ាក​ហ៊ិ​ន​ដាយ ​ពាក់​ស្លាក​លេខ​កំពង់ចាម 3A.1218​ អ្នកបើកបរ​មិន​ស្គាល់​អត្តសញ្ញាណ ​បើក​ស្រប​ទិស​ពី​លិចទៅ​កើត​(​បុក​ពីក្រោយ​)​។ ជាមួយគ្នា​នោះ​ដែរ រថយន្ត​នោះ​បាន​កៀរ​រថយន្ត​ម៉ាក​ហ៊ិ​ន​ដាយ​ពាក់​ស្លាក​លេខ ព្រះសីហនុ​3A.3693​ អ្នកបើកបរ​មិន​ស្គាល់​អត្ត​សញ្ញាណ​កំពុង​ឈប់​។​

លោក​អធិការ​បាន​បញ្ជាក់​ថា គ្រោះថ្នាក់​ចរាចរណ៍​នេះ​បាន​បណ្ដាល​ឲ្យ​ស្លាប់​មនុស្ស​02​នាក់​ គឺ ៖
1-​ឈ្មោះ​ ជឺ​ ទង​ ភេទ​ស្រី​ អាយុ​57​ឆ្នាំ​
2-​ឈ្មោះ​ធា​ ភេទ​ប្រុស ​អាយុ​25​ឆ្នាំ ព្រមទាំង​របួស​មនុស្ស​02​នាក់​ ប្រុស​ គឺ (1-​ឈ្មោះ​សីហា ​ភេទ​ប្រុស​អាយុ​18​ឆ្នាំ​ ទីលំនៅ​ស្រុករ​វៀង​ ខេត្ត​ព្រះវិហារ។​ 2-​ឈ្មោះ​គោ​ ភេទ​ប្រុស​ អាយុ​17​ឆ្នាំ​ ទីលំនៅ​ស្រុក​រវៀង ខេត្ត​ព្រះវិហារ​)។​

លោក​អធិការ​បាន​បញ្ជាក់​ថា​ ចំណែក​រថយន្ត​បាន​ខូច​អស់​03​គ្រឿង ​ក្នុង​នោះ​មាន​01​គ្រឿង ​ម៉ាក​សាំ​យ៉ុង ខូចខាត​ធ្ងន់ ហើយ​វត្ថុតាង​បាន​យក​មក​រក្សាទុក​នៅ​អធិការដ្ឋាន​នគរបាល​ស្រុក​ជើងព្រៃ​៕



Source: Kampuchea Thmey Daily