សៀមរាប ៖ អ្នកស្រុកអង្គរចំនួន៨៥គ្រួសារ បានទទួលការអនុញ្ញាតឲ្យជួសជុលកែលំអលំនៅដ្ឋានឡើងវិញ ដោយអាជ្ញាធរជាតិអប្សរា។ ប្រភេទ នៃការជួសជុលកែលំអ រួមមាន ជួសជុល ឬប្ដូរដំបូល ជួសជុលជញ្ជាំង ប្តូរសសរ ប្តូរជណ្ដើរ ត សំយាប ក ឥដ្ឋក្រោមផ្ទះ សាងសង់បង្គន់អនាម័យ ទ្រង់មាន់ ចាក់ដី ក្រោលគោ ទ្រុងជ្រូក ។ល។ និងតម្រូវការផ្សេងៗទៀតដែលចាំបាច់ក្នុងការរស់នៅប្រចាំថ្ងៃ។
ក្នុងចំណោមអ្នកស្រុក៨៥គ្រួសារ ដែលទទួលបានការអនុញ្ញាតមាន ស្រុកប្រាសាទបាគងទទួលបានការអនុញ្ញាតចំនួន៦គ្រួសារ ស្រុកអង្គរធំ ទទួលបានការអនុញ្ញាតចំនួន៥គ្រួសារ ស្រុកពួក ទទួលបានការអនុញ្ញាតចំនួន៧ករណី ក្រុងសៀមរាប ទទួលបានកាតអនុញ្ញាតចំនួន៥២គ្រួសារ និងស្រុកបន្ទាយស្រី ទទួលបានការអនុញ្ញាតបានចំនួន១៥គ្រួសារ៕
Source: Kampuchea Thmey Daily
0 Comments