ភ្នំពេញ ៖ បុរសម្នាក់ ដែលគេស្គាល់ថាជាកងអង្គរក្ស BHQ ត្រូវបាន សន្តិសុខ និងមិត្តភក្ដិជនរងគ្រោះ នាំគ្នា ចាប់ខ្លួនប្រគល់ឲ្យប៉ូលិសប៉ុស្តិ៍ទន្លេបាសាក់ សួរនាំ បន្ទាប់ពីកងអង្គរក្ស BHQ រូបនោះដើរចូលទៅវាយ ជនរងគ្រោះ នៅក្នុងហាង បួនប្រាំដៃកណ្ដាលមុខ បណ្តាលឲ្យរងរបួស។
អំពើហិង្សានេះ បានកើតឡើង កាលពីវេលាម៉ោង១០និង៥០នាទីយប់ ថ្ងៃទី១៥ ខែមិថុនា ឆ្នាំ២០១៨នេះ នៅហាងលក់អាហារមួយកន្លែង ក្នុងកោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ បុរស ដែលត្រូវគេវាយមានឈ្មោះថា អ៊ិត ស៊ាងយី អាយុ៣០ឆ្នាំ មុខរបរ លក់ទូរស័ព្ទ។ ចំណែកជនដៃដល់ឈ្មោះ នីម សុផានិត អាយុ៣០ឆ្នាំ មុខរបរអង្គរក្ស BHQ។
ជនរងគ្រោះបានអោយដឹងថា នៅមុនពេលកើតហេតុ រូបគាត់បាននាំប្រពន្ធចូលមកញុំាអីជាមួយមិត្តភក្តិ៤នាក់ទៀត ក្នុងហាងអាហារមួយ ក្នុងកោះពេជ្រ ខណៈពេលកំពុងតែនិយាយឆ្លើយឆ្លងគ្នា និងសើចសប្បាយផងនោះ ក៏ស្រាប់តែមានបុរសម្នាក់ ដែលគាត់ស្គាល់ថាជា អង្គរក្ស បានចូលមក ក្រៀកគាត់ពីក្រោយ រួចស្រែកសួរថា «ហ្អែងហ្នឹងមែនឈ្មោះអាយី?» គាត់មិនទាន់បានឆ្លើយផង បុរសជាអង្គរក្សនោះ បានវាយទះមកលើផ្ទៃមុខគាត់បួនទៅប្រាំដៃ ហើយត្រូវបានមិត្តភក្តដែលអង្គុយជាមួយគ្នាជួយឃាត់ ភ្លាមនោះក៏មានបុរស២នាក់ទៀតដែលបក្ខពួករបស់អង្គរក្សរូបនោះ បានដើរចូលមកចង្អុលមុខរួចរុញ ប្រតាយប្រតប់ ជាមួយមិត្តភក្តរបស់គាត់ បង្កការភ្ញាក់ផ្អើលដល់ម្ចាស់ហាងរាយការណ៍ទៅសន្តិសុខកោះពេជ្រ ចុះមកជួយឃាត់ បាន រួចនាំយកទៅប៉ុស្តិ៍នគរបាលទន្លេបាសាក់ ដើម្បីប្រគល់អោយសមត្ថកិច្ចដោះស្រាយតាម នីតិវិធី។
ប្រភពដដែលបន្តថា ករណីនេះផ្តើមឡើងដោយសារ ជម្លោះពាក្យសម្តីគ្នាកាលពីមុន ប៉ុន្តែគេពុំដឹងរឿងអ្វីឡើយ លុះដល់ថ្ងៃកើតហេតុ ជនបង្កឃើញជនរងគ្រោះ ក៏ស្ទុះទៅវាយតែម្តង បច្ចុប្បន្ន ជនរងគ្រោះដាក់ពាក្យបណ្ដឹងនៅប៉ុស្តិ៍នៅឡើយ៕
Source: Kampuchea Thmey Daily
3 Comments
imexVgeyo-1991 Stuart Coo https://wakelet.com/wake/dpe0fqAAqubturUTtr-5X
ReplyDeletesaihydfeme
YgnosexWstabseMinneapolis Sarah Marie click here
ReplyDeleteclick here
https://colab.research.google.com/drive/187obtxrsyXRFDUe9VbQqksKEZXvW0hj3
click
izicprogun
YgymgeYtemphi Erica Cain get
ReplyDeleteAwesome
scoutareshos